حل محمد هنيدي منذ قليل، ضيفًا على برنامج بيت السعد، والذي يقدمه كلا من عمرو سعد وأحمد سعد، المُذاع على MBC 1.

وتحدث هنيدي عن ترشيحه لتقديم جزء ثاني من فيلم إشاعة الحب مع عمر الشريف، وقال : بعد فيلم رمضان مبروك أبو العلمين حمودة، عماد أديب قالي هنعمل إشاعة حب الجزء التاني، وأنا كنت هعمل دور عمر الشريف، وعمر الشريف كان هيعمل دور يوسف بك وهبي.

وأضاف: وفي التحضيرات قعدت مع عمر الشريف، قالي أنت عارف يا محمد الدور ده كان عايز ممثل كوميدي مش عمر الشريف خالص، والفيلم أصلا كان معمول لإسماعيل ياسين.

أما عن اختفاء الكوميديا في السينما والدراما، قال هنيدي: مستحيل الكوميديا تختفي لو اختفت يبقى الأكسجين اتسحب، لكن بتمر فترات بتتغير وتتلون بس الورق هو أهم حاجة وبعده المخرج، والمخرج الكوميدي يعتبر كنز.

وتابع: واللي بيستمر في الكوميديا هو اللي مش بيستسهل الموضوع وفيه مخرجين كبار خايفين يعملوا كوميدي، لأن المخرج لازم يكون دمه خفيف وعنده تكنيك الكوميديا بدليل الأفلام اللي عايشة كلها أفلام نجيب الريحاني وإسماعيل ياسين.

واستكمل: الفنان الكوميدي يقدر يعمل تراجيدي ولكن يصعب عليك زي المطرب العاطفي لكن عبدالمنعم مدبولي لما كبر عمل بابا عبده وراح في حتة تانية.

وتابع: لكن الفنان التراجيدي يعمل كوميدي لو معموله اسكريبت مكتوب كوميدي، زي دور شكري سرحان في السفيرة عزيزة كان كوميدي بس نجح علشان مكتوب حلو.

وأضاف: من فترة قولت للمنتج وليد صبري، لو عايز أعيد حاجة ينفع قالي آه، ونفسي أعيد فيلم السفيرة عزيزة.

The post محمد هنيدي: كنت هعمل فيلم إشاعة حب الجزء الثاني وعمر الشريف كان هيعمل دور يوسف وهبي first appeared on مجلة اتجاهات الفنية.

أبدى النجم محمد هنيدي رأيه في الفرق بين المناطق الشعبية والكمباوندات، خلال حلوله ضيفا في برنامج “بيت السعد”، الذي يقدمه الشقيقان عمرو سعد وأحمد سعد، على شاشة قناة “MBC مصر”.

وتحدث محمد هنيدي خلال لقائه قائلًا: “كلهم ناس، وكلنا عايشين، بس الفرق إن المناطق الشعبية فيها التحام بين الناس، اللي يطبخ أكلة لازم ينزل لجاره، وبناخد رأي بعض في الجوازات، الجيران في إمبابة كان عندهم ترابط كبير غير الكمبوندات”.

أبدى النجم محمد هنيدي رأيه في الفرق بين المناطق الشعبية والكمباوندات، خلال حلوله ضيفا في برنامج “بيت السعد”، الذي يقدمه الشقيقان عمرو سعد وأحمد سعد، على شاشة قناة “MBC مصر”.

View this post on Instagram

A post shared by MBC1 (@mbc1)

وتحدث محمد هنيدي خلال لقائه قائلًا: “كلهم ناس، وكلنا عايشين، بس الفرق إن المناطق الشعبية فيها التحام بين الناس، اللي يطبخ أكلة لازم ينزل لجاره، وبناخد رأي بعض في الجوازات، الجيران في إمبابة كان عندهم ترابط كبير غير الكمبوندات”.

كما يواصل محمد هنيدي التحضير لفيلمه الجديد “الإسترليني”، فيلم جديد يتلقى دعماً من الهيئة العامة للترفيه في السعودية، برئاسة المستشار تركي آل الشيخ، ويشارك في بطولته كل من ابراهيم الحجاج ونيللي كريم، فيما يواصل المخرج حسين المنباوي، معاينة أماكن التصوير.

كما يواصل محمد هنيدي التحضير لفيلمه الجديد “الإسترليني”، فيلم جديد يتلقى دعماً من الهيئة العامة للترفيه في السعودية، برئاسة المستشار تركي آل الشيخ، ويشارك في بطولته كل من ابراهيم الحجاج ونيللي كريم، فيما يواصل المخرج حسين المنباوي، معاينة أماكن التصوير.

The post محمد هنيدي يتحدث عن الفروق بين سكان الكمباوند والمناطق الشعبية first appeared on مجلة اتجاهات الفنية.

رد الفنان علاء مرسي على الانتقادات التي وجهت له بسبب تقبيله يد النجم محمد هنيدي في عقد قران ابنة الأول.

قال علاء مرسي: حمد هنيدي جزء مني وجزء من تاريخي وحياتي وجزء من العمر والسنين وأخويا اللي مش من أمي وأبويا، ولما نقعد مع بعض بننسى أننا بنشتغل ممثلين إحنا صحاب، وبغير عليه، بمعنى وبخاف عليه طول الوقت عاوز أشوفه ناجح وفي مكانة أعلى وأعلى”، حسب تصريحاته لبرنامج “كلام الناس” الذي تقدمه ياسمين عز عبر شاشة “MBC مصر”.

وتابع علاء مرسي: هنيدي ربنا سبحانه وتعالى إداله سر أنه يمسك مفتاح في صناعة السينما، جيل آخر طلع وبعديه أجيال، وكان أحد الرواد اللي فتحوا الباب بفيلم ودور بحب ناس بتغيير في شكل الكوميديان، هنيدي فتح الباب لأجيال جت بعده وهو الباب الرئيسي، ومش حكاية موهبة هو سر دعوة والدته وحب مهنتة وإخلاصه، وهو عنده إيمان أنه يكون حاجة مهمة في شكل معين.

وأضاف علاء مرسي: أنا مرايته، وممكن أقول له مش عاجبني كذا أو رافض كذا ولما بشوفه بفرح، ولما بتقابل معاه بيحصل لي حاجة غريبة، كإن ولد بيجري على والده، أكون مشتاق له، ومش بنشوف بعض كتير تقريبا لأنه يسافر وعنده أعمال بره، وأنا شوية بيتوتي، لكن أنا متواصل طول الوقت معه، وحشتني وعامل ايه، الباب والخط مفتوح بينا طول الوقت وبحس به لما بيتعب وهو كمان ببحس بيا لما أبقى في مشكلة، وإحنا شيء واحد وهنيدي حاجة عظيمة وبحبه جدا.

وعن الانتقادات الموجهة لصورته وهو يقبل يد هنيدي، قال علاء مرسي: “بيفسروها دايما بشكل شخصي، بمعنى يقول لك هو باس إيده، علشان هنيدي يرضى عنه ويشغله، وبيتودد لهنيدي ويتقرب، وده قصور في الفهم وهجوم مريض، الحكاية أكبر من كده، الحالة دي مش بتحصل بيننا كتير على فكرة، ولما بنتقابل بسلم عليه عادي، لكن فرحتي بابنتي وفرحتي بالفرح، وتجربة إني أحس إني هجوز بنتي، كنت في حالة عجيبة جدا ودي أول مرة وبنتي الكبيرة وجزء مني، اللي يجي لبنتي أشيله على دماغي وده للغريب، وهنيدي فاجأني، لآخر لحظة عارف أنه عنده شغل ومسافر، والمشاعر دي مسموح بيها بين الأحبة والأصحاب لكن أنا معنديش مصلحة.

واستكمل علاء مرسي: أنا مؤمن تماما أن ربنا مديني فوق ما أتمنى ومديني على الأقل، راحة بال وولاد فرحان بيهم، وعندي نِعم أنا نفسي مش عارف أعدها، النعم مقتصرتش إني اروح أشتغل في كذا، ومن حقي أحلم، وتحقيق الأحلام بيد الله فقط، وأنا بسعى بالطرق اللي أتربيت عليها وفي عزة في الطلب، لو عايز حاجة هقعد سنة أمهدها، اللي هي ممكن تبقى من حقوقي، بس مابعملش كدة، وأنا مش بعمل تصرف يعبر عن محبتي علشان هدف خالص والناس فهمت كده وهاجمت وده العادي، فكرة الهجوم طول الوقت على الناس لابد من إيقافه فورا لأنها فتن غير عادية وبتجرح مشاعر الناس، يعني محمد صلاح يتهاجم ازاي؟ دا شرف لي أنه مصري الجنسية وافرح به.

The post علاء مرسي يوضح سبب تقبيله ليد محمد هنيدي: جزء مني ومن تاريخي first appeared on مجلة اتجاهات الفنية.

أعلن المستشار تركي آل شيخ بدء موسم جديد لعرض مسرحية “ميوزيكال سكوول” من بطولة الفنان محمد هنيدي، وذلك ضمن مسرحيات جولة المملكة بعد النجاح الكبير الذى حققته عقب عرضها للمرة الأولى فى موسم الرياض.

ونشر تركي آل شيخ البوستر الدعائي للمسرحية من خلال حسابه الرسمي على موقع إنستجرام، وكتب معلقا: “المسرحية الكوميدية ميوزيكال سكول من بطولة الفنان محمد هنيدي على مسرح بكر الشدي ضمن مسرحيات جولة المملكة والفعاليات المصاحبة لكأس العالم للرياضات الإلكترونية فى الرياض” .. من 20 يوليو إلى 24 يوليو.

يقوم ببطولة المسرحية “ميوزيكال سكول” بطولة محمد هنيدي ونرمين الفقي ومحمد ثروت ونانسي صلاح ومحمود حافظ ويوسف وائل نور.

وتدور أحداث مسرحية ميوزيكال سكول في إطار اجتماعي كوميدي، حول عودة الأستاذ رمضان مبروك أبو العلمين حمودة بعد سنوات من الغياب إلى إدارة المدرسة، ثم يواجه العديد من المواقف الكوميدية مع المدرسين والطلاب وأولياء أمورهم.

وعلى صعيد آخر، روج المستشار تركي آل الشيخ رئيس هيئة الترفيه لأحدث أفلام الفنان محمد هنيدي الذي يحمل اسم الاسترليني، ونشر بوستر للعمل عبر حسابه وكتب قريبا.

وكان قد بدأ محمد هنيدى التحضيرات والاستعدادات لفيلمه الجديد الاسترليني، حيث بدأ المخرج حسين المنباوي في معاينة أماكن التصوير حاليًا، ومن المقرر البدء في تصويره الفترة المقبلة، عقب الانتهاء من تفاصيل الفيلم والتعاقد مع الممثلين، حيث رشح المنباوي عدة أسماء من المقرر التعاقد معهم خلال الأيام المقبلة.

The post تركي آل شيخ يعلن بدء موسم جديد من مسرحية «ميوزيكال سكول» لـ محمد هنيدي first appeared on مجلة اتجاهات الفنية.

كشفت الإعلامية ريهام سعيد أن الفنان محمد هنيدي تقدم للزواج منها لكن أسرتها رفضته.

وحكت ريهام سعيد خلال لقائها في برنامج “كتاب الشهرة” من تقديم علي ياسين عبر قناة “الجديد”: “اتقدملي فنان من الفنانين ووالدتي رفضت، ودي أول مرة أقولها في حياتي”.

وتابعت ريهام سعيد: “هو محمد هنيدي، أنا أهلي موافقوش عشان هو ممثل كانوا خايفين ياخدني معاه في التمثيل”.

وحكت ريهام سعيد كيف تعرفت على محمد هنيدي قائلة: “كنت صغيرة في الجامعة الأمريكية كنت 19 سنة مثلا في أول سنة في الجامعة، وطلبوا مننا أن نعمل لقاء مع ممثلين وأنا كنت بحب مسرحية “حزمني يا” رحت المسرح عشان أعمل انترفيو مع أي حد، مين اللي رضي يعمل معايا كان محمد هنيدي”.

وأكملت ريهام سعيد: “رحت وقفت على باب المسرح أنا وواحدة صاحبتي هي رولين القاسم، كان المساعد بتاعه اسمه جودة طلبت منه أن ندخل نعمل انترفيو، عرفت بعدها أنه أعجب بيا لما كلمني وقالي إنه عايز يتقدم ليا وأنا فرحت جدا هو نجم وكان عامل فيلم “إسماعيلية رايح جاي” ومكسر الدنيا”.

وأضافت ريهام سعيد: “جيه على البيت وكان جايب هدايا كتير أوي كان لسه راجع من أمريكا، مامتي قالت له هنفكر، وبهدلتني أنا، بالنسبة لأمي المجال دا سمعته سيئة هتأخر برا وممكن حد يبوسني في فيلم، ورفضت”.

The post ريهام سعيد: محمد هنيدي اتقدملي ووالدتي رفضته first appeared on مجلة اتجاهات الفنية.

بدأ النجم محمد هنيدى التحضيرات والاستعدادات لفيلمه الجديد الإسترلينى، حيث بدأ المخرج حسين المنباوى في معاينة أماكن التصوير حاليًا، ومن المقرر البدء في تصويره الفترة المقبلة، عقب الانتهاء من تفاصيل الفيلم والتعاقد مع الممثلين، حيث رشح المنباوى عدة أسماء من المقرر التعاقد معهم خلال الأيام المقبلة.

وينتظر هنيدى عرض فيلمه الجواهرجى مع النجمة منى زكى، ويشارك في البطولة لبلبة، وأحمد صلاح السعدنى وتارا عماد، أحمد صلاح السعدني، باسم سمرة، وعارفة عبدالرسول وغيرهم من النجوم، والعمل من تأليف عمر طاهر، وإخراج إسلام خيري، وتدور أحداث الفيلم فى إطار كوميدي حول أزمات الحياة الزوجية.

ويعيد فيلم “الجواهرجي” محمد هنيدي ومنى زكي للتعاون معا بعد نحو 25 عامًا منذ عرض فيلمهما الشهير “صعيدي في الجامعة الأمريكية” الذي كان عرض في عام 1998 وحقق نجاحا كبيرا.

The post محمد هنيدى يبدأ تحضيرات فيلمه الجديد الإسترليني بتوقيع حسين المنباوى first appeared on مجلة اتجاهات الفنية.

تعرض قناة أفلام 1 ART الليلة في تمام الساعة الثامنة مساء حصريا ولأول مرة الفيلم الكوميدي “مرعي البريمو” بطولة محمد هنيدي، غادة عادل، علاء مرسي، مصطفى أبو سريع، أحمد بدير ومحمد محمود، تأليف إيهاب بليبل وإخراج سعيد حامد.

الفيلم يعاد عرضه السبت الساعة ١:٣٠ ظهرا، ويوم الأحد الساعة ١٢:٠٠ منتصف الليل.

وتدور أحداث الفيلم في إطار كوميدي حول المعلم مرعي الذي يعمل في تجارة البطيخ، حيث يواجه العديد من المواقف والمفارقات الكوميدية المثيرة من خلال عمله.

“مرعى البريمو” بطولة محمد هنيدي، وغادة عادل، أحمد بدير، محمد محمود، علاء مرسي، مصطفى أبو سريع، نانسي صلاح، لطفى لبيب، نيللى محمود، ومن تأليف إيهاب بليبل وإخراج سعيد حامد. 

The post محمد هنيدي وغادة عادل مع “مرعي البريمو” لأول مرة على ART first appeared on مجلة اتجاهات الفنية.

كشف الفنان تامر سمير، عن لجوئه لـ الفنان عمرو سعد وأحمد عز، لمساعدته في العمل معهم ولكن تم تجاهله، مؤكدًا أنه لا يمتلك واسطة.

وقال تامر سمير، في لقائه مع الإعلامية إنجي هشام، في برنامج “المنسي” المذاع عبر شاشة قناة “هي”: أنا ماليش وسايط في الفن، والموضوع اتغير وبقى شلل وأصحاب، وأنا بسعى وببدء بزملائي النجوم في منهم اللي بيرد وغيره يشوف الرسالة وميردش، وفي ناس لو شافني هيفتكر أيام الكحرتة، ومش هينفع أقول زي مين ولكن منهم نجوم صف أول.

وتابع: في مليون دور في المسلسلات شبهي، وفي ناس بتبقى نفسيتها مش لطيفة ومبترشحنيش، كنا بنقسم اللقمة والربع جنيه، مش عايز يجبني علشان ميفتكرش أيام المترو، واللي بقوله ده حقيقي، إزاي نبقى زملاء وأصدقاء ولو أنا مزنوق ماديًا وقت ظروف مرض أمي وببقى عايز فلوس، وأكلم حد يقولي تمام أنت معايا، ومفيش بعد كده، مفيش زميلي وصاحبي هيجبني معاه في دور علشان مفكرهوش بأيام الكحرتة.

وأضاف: اتصلت بـ عمرو سعد وأحمد عز، علشان يجبوني معاهم في أدوار وشافوا الرسايل ومردوش عليا، ومزعلتش وأعرف صاحبك وعلم عليه.

كذلك تحدث الفنان تامر سمير، عن فترة غيابه عن الساحة الفنية، بجانب العمل مع الراحل سمير صبري في برنامجه هذا المساء، مؤكدًا أن هذا البرنامج كان بوابته الحقيقة لعالم التمثيل.

وقال تامر سمير: زمان كنت أخرج من فيلم أدخل فيلم تاني، وأي منتج زمان كان اللي يهمه الخام، ويوسف شاهين كان أهم حاجة عنده البروفات، ومحدش كان يعرفني لما كنت شغال مع يوسف شاهين محدش عرفني لأني كنت مربي ذقني، ولكن لما عملت برنامج مع سمير صبري كله كان عايز يمضي معايا عقود احتكار، بس الوحيد اللي مضيت معاه وهو بالنسبة لي أب روحي، هو محمد حسن رمزي رحمة الله عليه، وكان مكتوب في العقد شرط جزائي مليون جنيه لو سيبته.

وتابع: سمير صبري في الأول قدمني وحش في برنامج هذا المساء، وأول ما شافني قالي أقعد قدام، والحلقة كانت عن الإكتئاب، وندهلي على الاستيدج وقرأت كل القرآن اللي أنا حافظه لغاية ما وصلت وقعدت أهزر معاه، وبقينا أصحاب، وبعد كده طلعت معاه في حلقة تانية، وقدمني حلو جدًا وقالي الحلقة فرقت معاك، قولتله أه فرقت وجبت غسالة لـ أمي.

وعن سبب غيابه عن الساحة الفنية: ممكن يبقى العيب فيا لأني مش اجتماعي أوي، أنا اشتغلت مع عظماء، ويمكن الجيل الجديد يكون عارفنا وإحنا برضوا شكلنا اتغير، واخترعوا حاجة اسمها كاستينج بس مينفعش في السن ده، أه تاريخي مش كبير ولكن مينفعش يتقالي تعالى أعمل أوديشن.

وأضاف: لو هعمل أدويشن يتبعتلي الورق واتساب وأذاكر وأروح أعمل في يوم لوحدي مش مع حد، والأدويشن اللي أنا عملته كان مع الأستاذ شريف عرفة في فيلم عبود على الحدود وكنت همضي ولكن إيمان حداد المخرجة زميلتي، قالتلي شريف عرفة معجب بيك جدًا ولكن حد اعترض عليا لأني شبه محمد هنيدي أوي.

وبرنامج المنسي، من تقديم الإعلامية إنجي هشام على شاشة قنا هي، ويُعرض يوميًا في تمام الساعة العاشرة مساءا، طوال شهر رمضان، ويحل عدد من نجوم الفن ضيوفًا على برنامج المنسي، للحديث عن بدياتهم وتفاصيل مشوارهم وتفاصيل التحديات التي واجهتهم على مدار مشوارهم الفني.

The post تامر سمير: عمرو سعد وأحمد عز مبيردوش عليا.. واترفضت في عبود على الحدود بسبب محمد هنيدي first appeared on مجلة اتجاهات الفنية.

كشف المستشار تركي آل الشيخ، رئيس الهيئة العامة للترفيه بالمملكة العربية السعودية، تفاصيل مسرحية رمضان ميوزيكال سكول لـ الفنان محمد هنيدي في الرياض بعد حصوله على الجنسية السعودية.

ونشر تركي آل الشيخ، البوستر الدعائي لـ مسرحية رمضان ميوزيكال سكول، عبر حسابه الشخصي بموقع التواصل الاجتماعي فيسبوك: أوقات كوميدية تنتظركم في مسرحية رمضان ميوزيكال سكول، من بطولة النجم الكبير محمد هنيدي.. على مسرح محمد العلي في بوليفارد سيتي.. ابتداءً من 24 فبراير.

وسبق وأن أعلن الفنان محمد هنيدي، حصوله على الجنسية السعودية، معربًا عن سعادته الكبيرة، مؤكدًا أن مسيرته الفنية تم تكريمها بحصوله على الجنسية، حيث كتب عبر حسابه بموقع X: الحمد لله ربنا أكرمني واتكرمت كتير في مسيرتي الفنية، ولكن أكبر تكريم أني اتشرفت وحصلت على جنسية وباسبور بلاد الحرمين الشريفين، شكرا خادم الحرمين الشريفين وسمو ولي العهد على هذا الشرف والتكريم لشخصي ومسيرتي الفنية.

The post رمضان ميوزيكال سكول.. أول أعمال محمد هنيدي في موسم الرياض بعد حصوله على الجنسية السعودية first appeared on مجلة اتجاهات الفنية.

كتب : محمد فاضل القباني

حضر النجم محمد هنيدي العرض المسرحي “ألف عيلة وعيلة” للمخرج خالد جلال بمسرح الجمهورية ، والمشارك بمسابقة العروض المسرحية بالمهرجان القومي للمسرح المصري في دورته الخامسة عشرة.

استقبل هنيدي المخرج خالد جلال ، ورئيس المهرجان الفنان القدير يوسف اسماعيل ، ومنتجا العرض هشام شعبان وعصام شعبان ، وعبر هنيدي عن سعادته بالتواجد ضمن فعاليات المهرجان مؤكدا علي حبه للمسرح وتشجيعه للمواهب الشابة المشاركة في العرض .

بدأ المهرجان القومي للمسرح المصري في دورته الخامسة عشرة، فعالياته يوم ٢٤ يوليو الماضي، ويختتم فعالياته وتوزيع جوائزه يوم 8 أغسطس على المسرح الكبير بدار الاوبرا المصرية برعاية وزيرة الثقافة الدكتورة الفنانة إيناس عبد الدايم وبرئاسة الفنان القدير يوسف إسماعيل .

يذكر ان المهرجان القومي للمسرح المصري تقيمه وزارة الثقافة ويعد أكبر ملتقى مسرحي على مدار العام يضم أفضل العروض التي قدمت خلال العام من المؤسسات الثقافية المصرية المختلفة، ويهدف المهرجان إلى عرض نماذج متميزة مما قدم في فضاءات المسرح في مصر، من أجل تأصيل ملامح المسرح المصري الذي يعبر عن شخصية مصر وينشر الرسالة التنويرية لبناء الإنسان المصري، وكذلك تشجيع المبدعين من فناني المسرح على التنافس الخلاق، وتحفيز الفرقة المسرحية على تطوير عروضها فكريا وأدائيا وتقنيا من أجل المشاركة في صناعة مستقبل أفضل للوطن.

The post محمد هنيدي في المهرجان القومي للمسرح المصري يشاهد عرض “ألف عيلة وعيلة” للمخرج خالد جلال first appeared on مجلة اتجاهات الفنية.