نجوي إبراهيم تعلن تعافيها من السرطان وتعاتب رامز جلال

أعلنت الإعلامية نجوى إبراهيم، الشهيرة بـ ماما نجوى، تعافيها من إصابتها بالسرطان، معلقة: جات كده من عند ربنا، حيث أوضحت الفنانة: فرحانة ومبسوطة الحمد لله بعد أربع أو خمس شهور قلق حابة أفرحكم وهي جت كده من عند ربنا وبيجيلي كم دعوات كتير منكم اعتبروني من النهارده لسة وجه جديد معاكم.

واستكملت نجوى إبراهيم خلال برنامجها بيت العز، المذاع عبر إذاعة نجوم FM: أنا هسكت كفاية إني أقولكم بحبكم من قلبي حقيقي وبعزكم وبحترم الجمهور اللي بدأ معايا وأنا كنت لسة صغيرة شبر ونص لغاية دلوقتي، هبدأ النهاردة حياتي معاكم واعتبروني وجه جديد.

وفي سياق آخر، عاتبت نجوى إبراهيم، الفنان رامز جلال بسبب كلمات تتر برنامجه رامز جاب من الآخر، والذي عرض في موسم رمضان 2024، وقالت: أنا بحب أنزل أجيب الحاجات بتاعة البيت، ومن كام يوم نزلت أجيب حاجات ولاقيت بنات ماشين مع والدتهم بيقولوا يا لهوي يا لهوي، ليه يا رامز عملت كده في العيال؟ مش حلو أن الولاد يقولوا كده، رمضان اللي جاي هتعلمنا إزاي نلطم؟ يا ريت نخلي بالنا من الكلام.