حسن شاكوش يهاجم شباب تيك توك: خليتوا اللي ما يشتري يتفرج

هاجم الفنان حسن شاكوش الفتيات والشباب الذين يظهرون على تطبيق تيك توك ويقدمون فيديوهات غير لائقه.

وقال حسن شاكوش خلال بث مباشر عبر حسابه الشخصي بموقع تيك توك: انتم زودتوها أوي وخليتوا اللي ما يشتري يتفرج، خليتونا شكلنا برا وحش واتفضخنا وبيقولوا قاعدين بيشحتوا على التيك توك، خليتونا ولا لينا شكل ولا منظر ولا أي حاجة في المجتمع.

وأضاف حسن شاكوش: للأسف بقى في شباب وبنات يدخلوا معاهم في لايف عيال شواذ، والتيك توك بدء يبقى فيه عيال أشكال وألوان كتير جدًا للأسف، ومن مصر، وبيقولوا ألفاظ عمري ما سمعتها في حياتي، وعندنا بنات وسيدات محترمة مينفعش تسمع الكلام ده وللأسف واخدين الموضوع بهزار وضحك.

من ناحية أخرى طرح حسن شاكوش عبر قناته الرسمية في موقع يوتيوب كليب أغنية “أنا في البلد عضمة”، التي يشاركه غناءها المطربان حمو بيكا وعمر كمال.