ياسمين عبد العزيز عن أزمتها الصحية: كنت عايزة أحمل من أحمد وحصلت غلطة

كشفت النجمة ياسمين عبد العزيز تفاصيل جديدة عن الأزمة الصحية التي مرت بها، مؤكدة أن الأزمة قربتها من الله.

وقالت ياسمين عبد العزيز خلال حوارها مع الفنانة إسعاد يونس في برنامج “صاحبة السعادة” المذاع عبر قناة dmc: “أنا أساسا كنت داخلة العملية علشان أشيل الأكياس، لإني علشان أحمل لازم أشيل الأكياس، وبنتي وابني جبتهم كده”.

وأضافت: “بعد مسلسل اللي ملوش كبير كنت متفقة أنا وأحمد إني أحمل، ودخلت وحصلت غلطة وكنت هموت فيها وربنا كتبلي عمر جديد”

وتابعت: “ده كان أصعب موقف مر عليا، لأني قعدت في السرير أربع شهور، وعملت 6 عمليات 4 في مصر وعمليتين برا، وكتب أبص لربنا وأقول سبحان الله، بعد كل ده أنا لوحدي”.

وأكملت: “بعد الموقف ده قربت أوي من ربينا، ومبقاش يفرق معايا أي حد ومش عايزة أزعل ربنا”.

وأشارت ياسمين عبد العزيز إلى أنها لمست حب جمهورها لها خلال أزمتها الصحية قائلة: “دي مش شطارة مني، ربنا هو اللي سخر الناس إنها تدعيلي”.