أحمد السقا: مستعد أموت علشان البلد وأكون أول واحد على الجبهة
أكد النجم أحمد السقا أنه مستعد للمشاركة في الدفاع عن البلد في أي لحظة، والانضمام للجبهة بأسرع ما يمكن في حال طلب منه ذلك.
وقال أحمد السقا خلال لقائه مع الإعلامية إنجي علي في برنامج “أسرار النجوم”، المذاع عبر نجوم إف إم، إن الأجيال السابقة تميزت بشعور الانتماء الشديد للبلد، لأنها تربت على الوقوف في طابور الصباح المدرسي، وترديد النشيد الوطني.
وأضاف: “أنا مليش في السياسة، لكن أموت علشان البلد دي، وأقسم بالله لو قالوا لي تعالى دلوقتي الجبهة أكون أول واحد قبلهم، وأنا اللي ييجي ناحية رملاية من تراب مصر آكل مصارينه”.
من ناحية أخرى، أكد أحمد السقا أن رد فعل الجمهور بعد عرض أحدث أفلامه “السرب” أسعده للغاية، وخاصة رد فعل الشباب صغير السن.
وتابع: “أكثر حاجة أسعدتني إن الشباب الصغير اللي في عمر ابني الصغير خارجين اللي عايز يدخل الكلية الجوية، واللي عايز يدخل الجيش والصاعقة، وبقى في حتة الولاء”.
فيلم “السرب” من بطولة أحمد السقا، منى زكي، قصي خولي، شريف منير، دياب، ومجموعة من ضيوف الشرف منهم آسر ياسين ومحمود عبد المغني وكريم فهمي وأحمد حاتم، ومن تأليف عمر عبد الحليم إخراج وأحمد نادر جلال وإنتاج سينرجي.
