هلا السعيد تستغيث من محاولة “تحرش” على “محور الضبعة”: جريت وسبت العربية
انضمت الفنانة هلا السعيد لقائمة النساء اللاتي تعرضن لحوادث مرعبة أثناء خوضهن رحلات عبر تطبيقات المواصلات، إذ حكت في منشور عبر انستجرام عن محاولة تحرش سائق “أوبر” بها.
نشرت هلا السعيد فيديو تحكي فيه: “أنا واقفة في محور الضبعة عشان الحيوان الأوبر اللي كنت ركباه فجأة وقف في الطريق وقالي العربية سخنت ونزل وببص ورا لقيته بيفك الحزام بتاع البنطلون فأنا جريت من العربية وقالي متخافيش انا عندي السكر وأنا نزلت وسبت حاجتي في العربية، الحمد لله انني كنت بتكلم مع حد وقلت لصاحبي على اللايف لوكيشن أول ما وقف العربية فخاف من دة، الحمد لله ان انا الصبح وقريبة منا البيت”.
وكتبت هلا في وصف الفيديو: “سواق أوبر حاول يتحرش بيا والحمد لله عدت علي خير .. انا قلت بعد اللي حصل بقي في بوليسي جديده وفي تسجيل في العربيه بس واضح ان مفيش فايده #أوبر الشركه نفسها لازم يتحاسبوا”.
