هشام ماجد: مكنتش مبسوط من الجزء الثالث من مسلسل “اللعبة”
كشف الفنان هشام ماجد عن أكثر جزء من مسلسل “اللعبة” لم يكن راضيا عنه.
وقال هشام ماجد في لقاء ببرنامج “أسرار النجوم” مع إنجي علي: “الجزء التالت أنا مكنتش مبسوط أوي كان ممكن يبقى أحسن من كده وكان في حاجات واضحة كان لازم منعملهاش فيه، ركزنا أوي في الرابع وبقى أحلى جزء بالنسبة للناس”.
وتابع هشام ماجد متحدثا عن الجزء الخامس من مسلسل “اللعبة”: “مسلسل “اللعبة” الجزء الخامس لسه بيتكتب وبنحاول نشوف هنعمل إيه تاني ومعندناش استعداد نعمله أقل من الأجزاء اللي فاتت عشان كده مطولين فيه وماشيين ببطء لأن فعلا عايزين نطلعه حلو أوي”.
وأوضح هشام ماجد أنه عندما يصور أي عمل لا يتوقع نجاحه أو ردود فعل الجمهور قائلا: “رد فعل الناس دايما مفاجئ إنت ممكن تعمل حاجة تكون حاسس أنها مش بتضحك أوي لكن تلاقي الناس بتضحك، لو بتفرج على فيلم في السينما ممكن مشهد يبقى عادي والناس تضحك ومشهد بنبقى عاملين فيه كل حاجة والناس متضحكش”.
