خالد يوسف: محمود حميدة رفض سره الباتع بسبب الأجر وأختلف مع عادل إمام

حلَّ خالد يوسف ضيفًا على برنامج بالخط العريض، تقديم الإعلامية إيمان أبو طالب، المذاع على قناة الحياة، وتحدث عن علاقته وحقيقة خلافاته مع محمود حميدة، واختلافه مع عادل إمام بسبب رأيه في نجيب الريحاني

وقال خالد يوسف: عمري ما اختلفت مع محمود حميدة ولن أختلف معه، لأنه أطيب ما يكون، ومفيش أي خلاف وعملت معاه دكان شحاتة قبل كده.

أما عن سره الباتع، تابع: محمود حميدة اتعرض عليه سره الباتع وقرأ الدور وأشاد به جدًا، بعدين اختلف على الأجر، مش علشان أعلى أو أكثر، لأن هو بيقول من البداية هاخد كذا وميرجعش في كلامه، حتى لو أقل من مكانته، وهو أصعب مني في التعامل، ولكن طيب جدًا وحاطط ماسك إنه شرير، وبيداري طيبته وعنده رقة متناهية.

وعن اختلاف الرأي مع الزعيم، قال خالد يوسف: نجيب الريحاني أهم ممثل في تاريخ مصر، ولا أتفق مع عادل إمام في تصريحه لما قال أن نجيب الريحاني مش الممثل العظيم في السينما المصرية، ورغم إن أفلامه قليلة لكن موهوب بالفطرة.

ودارت أحداث مسلسل سره الباتع في فترتين من زمنيتين، الأولى من عام 2011 حتى عام 2013، والثانية خلال فترة الحملة الفرنسية على مصر، وهو مأخوذ عن رواية لـ يوسف إدريس تحمل نفس الاسم، ودارت أحداث المسلسل في إطار اجتماعي تاريخي أكشن.