فيفي عبده ترد على انتقادات فيديوهاتها على “تيك توك”: بعيش طفولتي

ردت الفنانة فيفي عبده على الانتقادات التي توجه لها بسبب فيديوهاتها على “تيك توك” وظهورها في بث مباشر.

وقالت فيفي عبده في لقاء مع et بالعربي: “أنا معشتش طفولتي دلوقتي بعيش طفولتي من التيك توك والناس العفوية اللي جواه، هما عايزين الناس تكتشفهم وبقى في مواهب قادرين نشوفها”.

وتابعت فيفي عبده: “أنا شقية أوي على فيسبوك وكل الميديا، الميديا أنا حبتها زي ما هي حبتني، وبحب تيك توك أوي مسلي ولذيذ وبتقدري في أي وقت تقومي تتسلي، بقت مشكلة بتخلينا مش عايزين نشتغل”.

وأكملت فيفي عبده متحدثه عن دورها في دخول Instagram لمصر: “أنا اللي دخلت إنستجرام لأنه مكنش موجود كان موجود الفيسبوك بس، بقيت ادخل الفنانين العرب على مصر واللي في مصر أدخلهم على العالم العربي”.

على جانب آخر، ظهرت فيفي عبده في جلسة تصوير جديدة لمجلة Plastic، ظهرت فيفي عبده وهي ترتدي معطف أسود اللون من تصميم دار أزياء Balenciaga، بتصميم على أحدث صيحات الموضة بأكتاف عريضة للغاية بشكل دراماتيكي، ونسقته بالتعاون مع الاستايلست بشار عساف وفيليب غابايان، مع باروكة “شعر مستعار” طويل للغاية، ونظارة من نفس الدار، لتصبح فيفي عبده شبيه لموديلز العلامة التجارية.