أحمد عبد الله محمود: عملت أغنية لأن أبويا كان صعبان عليا وأتمني تقديم “المواطن مصري”
حل الفنان أحمد عبد الله ضيفا على برنامج “واحد من الناس” الذي يقدمه الإعلامي عمرو الليثي عبر شاشة “الحياة”.
قال أحمد عبد الله محمود: “أنا فخور جدا بوالدي الراحل عبد الله محمود وسيرته العطرة، وكنت أتمنى لو كان موجود معي ليرى النجاح الذي حققته في أعمالي الأخيرة”.
وتابع أحمد عبد الله محمود: “مش عايزه أقول أنا ورثت ايه من أبويا، بس لو هقول هيبقى ورثت منه الرجولة والالتزام في شغلي ومع أسرتي، أبويا متوفي من 19 سنة ولحد دلوقتي كل ماتيجي سيرته بسمع عنه دهب دا غير إني ورثت منه عشقي للفن مش بس حبي ليه”.
وروى أحمد عبد الله محمود عن موقفا مؤثرا جمعه بوالده الراحل خلال فترة مرضه: “أنا مش مطرب لكن لما عملت أغنية كان صعبان عليا وانا شايف المرض بيسيطر على سندي وضهري في الدنيا أبويا، ومكنتش قادر اعمله حاجة ف كنت عايز اقوله حاجة وكلمت صاحبي ملحن عشان اعمل له أغنية وخدت منه فلوس أكني هجيب لبس، غبت 18 ساعة، لما روحت سيبتله الـCD في المستشفى، ولقيت الممرضات بيكلموني بيقولوا لي تعالي، روحت لقيته مجمعهم وبيقول لهم بصوا ابني عملي ايه وقتها حسيت بفرحة وسعادة حقيقية”.
وتابع أحمد عبدالله محمود حديثه عن العمل الذي يتمنى إعادة تقديمه من أعمال والده الفنان الكبير الراحل عبدالله محمود، وقال: “أتمنى أقدم شخصيته بفيلم (المواطن مصري)، وتعلقت جدا بها وتأثرت بها وكان سبب في عشقي للفن
وأشار أحمد عبدالله محمود خلال حديثه سبب خوفه من التمثيل في البداية مؤكدًا أنه كان بسبب الخوف من مقارنته بوالده الفنان عبدالله محمود وقال: “كنت مرعوب من المقارنة بيني وبين والدي لأنه مدرسة لوحده”.
