محمد رمضان يكشف سبب غيابه عن موسم رمضان 2025

كشف الفنان محمد رمضان سبب قراره باستمرار غيابه عن جمهوره وعدم تقديم مسلسل جديد في رمضان 2025.

وقال محمد رمضان في لقاء مع et بالعربي على هامش مؤتمر صحفي لحفله في مهرجان موازين: “عايز اتفرغ شوية للسينما والدراما بتاخد مني وقت طويل وبتاخد مجهود كبير، وكنت محتاج السنتين دول اشتغل على الفيلم الصعب اللي بصوره، والفيلم اللي بعده كمان أصعب منه”.

وتابع محمد رمضان: “الدراما مقارنة بنسبة الأعمال السينمائية لازم تكون زي نسبة الدهون في الجسم لو زادت أوي بريق النجم يروح، زي السجاير أه حاجة بتشربها لو زودت منها خطر على المدى البعيد”.

كان محمد رمضان أعلن عن عدم مشاركته في موسم رمضان 2025.

يأتي ذلك بعد أن كشف محمد رمضان منذ عدة أشهر في مداخلة هاتفية على شاشة DMC: “خدت إجازة من رمضان 2024، وإن شاء الله هكون موجود في رمضان 2025 مع الشركة المتحدة”.

يشار إلى أن محمد رمضان غاب عن دراما رمضان 2024 وكان آخر أعماله مسلسل “جعفر العمدة” الذي عرض في رمضان 2023.