طارق الشيخ: أغاني المهرجانات تترمي في “الزبالة” ونفسي أعمل دويتو مع حمزة نمرة
كشف المطرب طارق الشيخ عن رأيه في أغاني المهرجانات وما يتم تقديمه خلالها.
وقال طارق الشيخ في لقاء مع “رؤيا مصر”: “المهرجانات دي تلمها على بعضها كده وأقرب صفيحة زبالة تحطها فيه، أنا احترم اللي بيكتب كلمة كويسة ويغني كلمة كويسة متدنيش إسفاف متدنيش كلمة بمعنايين معنى كويس ومعنى وحش، الناس هتروح على المعنى الوحش وشغل المهرجانات تريند وبس مش فارق معاه بيغني إيه”.
وأكمل طارق الشيخ متحدثا عن المهرجانات ومطربيها: “المهرجانات تكسبك فلوس بس بعد كده عشان تطلع منها هتعاني”.
وتحدث خلال اللقاء طارق الشيخ كاشفا عن الفنان الذي يتمنى تقديم دويتو معه وقال: “نفسي أعمل دويتو مع حمزة نمرة هو في حته وأنا في حته هيكون في ميكس بيني وبينه، لما يبقى اتنين شعبين مع بعض هنخبط في بعض، أنا صوته بيعجبني”.
كما تحدث طارق الشيخ عن الفنان عبد الباسط حمودة ومقارنته به قائلا: “عبد الباسط قبل مني في الشغلانة وهو محافظ على نفسه في مكانه، أنا مش بغير من نجاحه، الغيرة غيرة شغل مش غيرة نجاح إنت عملت حاجة حلوة عجبتني لازم أعمل حاجة أحسن وهو كذلك، عبد الباسط وحكيم هما الأنجح في الجيل”.
وعن رأيه في رضا البحراوي وعمر كمال قال طارق لشيخ: “في فرق بين اللي بيأدي وبيغني، رضا البحراوي على راسي من فوق لو أديته حاجة هيغنيها الباقي مش هيغنيها هيأديها، ورسالتي ليه أوعى تشغل بالك بحد أشغل بالك بنفسك بس وفكر في أغاني لنفسك”.
