طارق الشناوي: كنت اتمنى عمرو دياب يكون شجاع زي محمد رمضان
قال الناقد الفني طارق الشناوي، إن الفنان محمد رمضان كان شجاعًا نتيجة اعتذاره للشاب الذي صفعه، مشيرا إلى أنه كان يتمنى أن يفعل الفنان عمرو دياب ما فعله.
وأضاف طارق الشناوي في تصريحات صحفية: «الولد غلط في حق محمد رمضان، زي اللي غلط في حق عمرو دياب، لكن رد فعل رمضان كان خاطئ وبرافو عليه إن هو مخدتهوش العنجهية وأصر على موقفه، وعجبني أنه اعتذر، وكنت اتمنى إن عمرو دياب من قبله يعمل كده، ويبقى عنده الشجاعة زي محمد رمضان والاعتراف بالخطأ».
كان محمد رمضان نشر فيديو عبر حسابه الرسمي على «انستجرام»، وجه من خلاله اعتذار للشاب، كما شرح واقعة الصفع المتبادل التي أثارت مواقع التواصل الاجتماعي.
وقال «رمضان»: «بعتذر لأهل الولد الصغير إن ايدي اتمدت عليه، وبعترف بخطئي، ولما هو غلط في الأول قلعته الكاب وبصيت في وشه فغلط تاني قولتله هات التليفون، ولم أتمالك نفسي فضربته قلم بسيط طير الكاب والنضارة، ولو هنعتبر الناموسة اللي وقفت على خدي قلم فأنا استاهل 5 عشان مديت إيدي على عيل صغير».
