حمو بيكا: مفيش بنات بيركبوا معايا السيارة وبحب أطلع مع رامز جلال

كشف مؤدي المهرجانات حمو بيكا عن الكثير من الأسرار الشخصية في حياته، خلال حلوله ضيفا على برنامج Rap Up، الذي يعرض عبر قناة “المشهد”.

قال حمو بيكا: “قضيت ليلة في الحبس في يناير، ومحدش كبير على الحبس، ودي مافيهاش فنان، حصل مشكلة والحمدلله اتحلت، ومكنتش طرف فيها، أصلا ماليش إني أروح، مش ظلم بس اسمي لما اتحط كان لازم أروح، ومشيت في نفس اليوم”.

وتحدث حمو بيكا عن علاقته بزوجته وإحدى الشجارات بينهما، وقال: “زوجتي من حقها تزعل طبعا، مكنتش بتكلم في حاجة، كنا سهرانين وقولت (السهرة كانت حلوة)، وسمعت حديثي في السيارة، مكنش معايا بنات، ومافيش عندي بنات يركبوا معايا السيارة، ومش بحب الموضوع دا، كان في بنات صاحبات أصحابي، مش تبعي، ومش في عربيتي، في العربية اللي جانبي”.

وأكد حمو بيكا أنه يحب الظهور في برامج رامز جلال، ويعلم أن الفنان الشهير يحبه، ويطلب دوما وجوده في برنامجه حتى لو المنتج رفض، وأنه لا يكون على علم بتفاصيل المقلب، ولكنه على علم من البداية أنه مقلب.