مسرحية مغامرات جيمو بمسرح الشمس داخل الحديقة الدولية

حقيقي دي الحاجات اللي تستاهل الدعم

العرض بطولة أبطال من ذوي الهمم منهم اللي شغال صحفي وبطل سباحة و كرة سلة

الواحد فخور بكل الابطال اللي في العرض و المستوى الاحترافي اللي بيتقدم بيه العرض عرض فيه كمية فرحة و بهجة و ايجابية غير طبيعية

لما تتفرج على المسرحية هتستوعب المجهود الجبار اللي بيبذله كل أبطال العرض عشان يقدموا عمل فني بالقوة و الجمال دا

خد من وقتك ساعتين هتتفرج فيهم عالمسرحية ((مجانا))

خروجة جميلة مش هتكلفك حاجة و كل اللي هتدعمهم بيه ضحكتك الجميلة و صوت التسقيف و يبقى كتر خيرك لو عرفت غيرك عشان المجهود الجميل دا يتعرف اكتر

يا سلام بقى لو رحت بدري شوية عشان تستغل البوم فسحة في الحديقة الدولية اللي تعتبر من أشهر و أكبر الحدائق في مصر

يعني هتقضي اليوم في الحديقه وتختم اليوم بالمسرحيه

و مش هتدفع غير تذكرة دخول الحديقة ب ١٠ جنيه بس للفرد

مواعيد عرض المسرحية :

الساعه 8 مساءاً ايام الخميس والجمعه والسبت من كل اسبوع

العنوان :

مسرح الشمس داخل الحديقة الدولية، اخر عباس العقاد، مدينة نصر