كامل عباس يواصل تصوير مشاهده فى قلع الحجر ويكشف علاقته بسوسن بدر
يواصل الشاب كامل عباس ابن اسكندرية تصوير المسلسل الصعيدي “قلع الحجر” في منطقة دهشور الفنان تدور أحداثه في منطقتي النوبة وقمولة في صعيد مصر، ويتناول حقوق المرأة، ومستوحى من أحداث حقيقية، وهو من إخراج حسني صالح.
وقال كامل عباس، هذا العمل التانى مع المخرج حسني صالح، التعاون الأول كان في مسلسل الحلم، وكان من هو تواصل معي، وعرض عليا الدور في مسلسل الحلم وكنت محظوظ الحمد لله أن أنا عملت المطلوب مني ومن وقتها دايما بيديني كلمات داعمه، وهو مؤمن بيا على المستوى الفني لما جاء داخل مسلسل قلع الحجر كلمني وعرض عليا الدور وأنا طبعا رحبت جدا خصوصا أن هو دراما صعيدي والأستاذ حسني صالح له تجارب في الدراما الصعيديه مختلفه تماما المخرج صالح افتكرله مسلسل الرحايا مسلسل شيخ العرب همام مسلسل خلف الله مسلسل بنت القبايل كلها كانت دراما صعيديه وكانت علامات من علامات الدراما المصريه انا بشكره جدا جدا على دعمه وثقته وارجو ان انا اكون على قدر المسؤولية.
وأضاف عباس: “بلعب دور مرتضى ابن الحرازي الفنان عبد العزيز مخيون والدتي ووحية الفنانة سوسن بدر، الدور دور شاب بار بأمه بيحافظ على على مبادئ معينه قد تكون مختلفه مع البيئه يعني المحيطه ولكن بيجي وقت معين بيحصل تحول درامي بنلاقي ان الشخص الطيب المنضبط فجاه بيطلع النزعه اللي جواه فيها شويه عنف أنا أعجبني بالشخصية فيها تحولات درامية فده أنا بحبه بيشدني طبعا واي ممثل بيحب الشكل ده من اشكال الدراما، ويارب أكون عملته بشكل كويس أنا نزلت فيه جهد وبتوجيهات الاستاذ حسني صالح فانا بتصور أن هو إن شاء الله هيطلع كويس ويعجب الناس.
وتابع كامل: اقرب الفنانين في اللوكيشن بلجا اليهم هي الفنانة سوسن بدر هي طبعا طالعة أمي في المسلسل لكن حرفيا أنا فعلا بحس أن هي أمي، وبتعامل معاها من المنطلق وأشكال النصايح منها لا تتوقف على النصائح الفنية بس لكن كمان بتقول لي نصائح حياتيه ونصائح لها لقب بالخبرات التراكميه هي على المستوى الانساني جميله جدا جدا جدا وانا استفدت كثير على المستوى الفني كمان على المستوى الانساني هي فنانه دسمه جدا وكمان انسانه عظيمه جدا وانا محظوظ ان انا اشتغلت معاه وان شاء الله التجربه تتكرر مرات كثيره تاني باذن الله.
وأوضح كامل عباس: من أحلامي أن أنا اشتغل مع المخرج شريف عرفه ومع الفنان محمود حميدة وحاسس إنه قريب أن شاء الله ده يتحقق، انا بحلم اني يكون في قطاع إنتاج في الإسكندرية وفي محافظات كثير ما يكونش بس في القاهرة، ده هيسهم بشكل كبير في إسراء الحركة الفن فى المصري لان فى هناك كتير من المواهب على كل المستويات التمثيلية والتأليف وخلافه بتجد صعوبه الانتقال للقاهره حائل بينها وبنت احلامها فانا بتمنى كل محافظات المصري كلها يبقى فيها نفس الامكانات اللي موجوده في القاهرة.
