نجوي فؤاد تتصدر التريند بعد تصريحاتها المثيرة.. عمري ضاع ببلاش ومش بشتغل من قبل كورونا

أدلت الفنانة الكبير نجوى فؤاد بالكثير من التصريحات المثيرة، خلال فيديو نشرته الإعلامية سهير جودة عبر صفحتها الرسمية على فيسبوك، قائلة:

-“أنا مشتغلتش من قبل كورونا بـ3 اشهر، واللي زود ابتعادي عن العمل وفاة دلال عبدالعزيز وسمير صبري، دلال كانت قريبة مني جدا، ولسة دنيا وايمي بناتها بيسئلوا عليا”.

-“ضحيت بحياتي من أجل الفن، وكنت بخاف من الإنجاب بسبب تغيرات الشغل، كنت بتمنى دلوقتي يكون عندي ابناء، ضيعنا عمرنا ببلاش ومالناش معاش”.

– “سهير زكي وانا كنا اصدقاء قبل ما تشتغل بعد ما اشتغلت بقى عندها بيت وانجبت وزوج ووالدتها تعبت، وكنت بتعامل معها قليل، كنا اصدقاء مش متنافسين، وهي عزيزة على قلبي، وفيفي عبدة جدعة جدت وجت زارتني وربنا يديها الصحة، هي انسانة جميلة جدا، وهي بتحب تسلي نفسها بالفيديوهات، وسيبوها تعيش”.

– “اقرب صديقة ليا خططت من أجل خطف زوجي بعدما أعلن اسلامه من اجلي، أنا مسامحاها، وكانت أول واحدة تفتح شنطتي بعد السفر، والصديقة لما تطلع خاينة تتعوض، لكن الزوج لأ، هو وقتها اسلم من اجلي، ورقصت في فرحهم كالحمام المذبوح ولم اعلم انهم العروسين”.

– “بتمنى الرحمة من عند ربنا، وأن القائمين على الفن ياخدوا بالهم من الفنانين الذين قدموا للفن أكثر فنانين الجيل الحالي، لأننا خدنا ملاليم وهما بياخدوا ملايين، فلازم يعملوا حساب الفروقات ويساعدوا الناس الغلابة اللي مش قادرة تجيب علبة دواء عشان تتعالج”.

– “الفنانين يروحوا فين، فريد شوقي مات معندوش حاجة، ورشدي اباظة مات ومعندوش حاجة خالص، ومديحة كامل جابت ماكينة خياطة واشتغلت عشان تعرف تعيش وتربي ابنها، وجالها جلطة في القلب وهي في سن صغير، المفروض كانت تطلع على المعاش، وكانت روحي الله يرحمها”