أحمد حلمي لـ عمرو أديب: علاء ولي الدين كان بتاع ربنا وحبيت خالة واحد صاحبي وبكره البس الدبلة

حل النجم أحمد حلمي ضيفا على الإعلامي عمرو أديب في برنامج “بيج تايم بودكاست” المذاع عبر قناة MBC، حيث كشف حلمي عن أول قصة حب في حياته، كذلك تحدث عن الفنان الراحل علاء ولي الدين.

وحول أول قصة حب في حياته، قال أحمد حلمي: “كانت خالة واحد صاحبي وست كبيرة، وأنا كان عندي 7 أو 8 سنين، لكن كانت جميلة أوي وأمورة”، وردا على سؤال ما هي قصة الحب التي يتذكرها قبل زوجته النجمة منى زكي، قال أحمد حلمي: “كانت في ثانية ثانوي وحبيت جارتنا، وكانت قصة حب عن بعد وشوية تليفونات من غير خروجات، لأن بنها صغيرة وكل الناس عارفة بعض”.

وحول علاقته بالفنان الراحل علاء ولي الدين، قال أحمد حلمي: ” بسيط جداً جداً، واتصاحبنا بشكل سريع أوي، جايز الظروف، أن أول بطولة ليه وأنا أول مرة أمثل، أنا مكنتش أعرف أن الدور كدا كنت فاكر إني هعمل مشاهدين وخلاص.. وتابع: “اتخطف بدري زي ما بيقولوا يعني، عارف اتنين يبقوا أصحاب أوي في وقت قصير كأنهم يعرفوا بعض من 15 سنة، هو ده اللي حصل بيني وبين علاء ولي الدين، أول معرفتي بـ علاء كانت في عبود على الحدود، كنت عارفه بس معرفهوش شخصياً”.

كما كشف الفنان أحمد حلمي، سر الخواتم التي يرتديها ويظهر بها طول الوقت، قائلًا إن لديه 3 خواتم يرتديها في يديه، قائلا: “أول خاتم لونه أسود جبته من إيطاليا على شكل جمجمة، والخاتم الثاني به قطعة من كسوة الكعبة، والثالث خاتم أخويا الله يرحمه”، “لست من أنصار لبس الدبلة لإن بقعد أقلعها في التصوير وتقع وتضيع بس هي عندي معلقها وبلبسها أحيانًا في رقبتي، وبعدين معروفة إني متجوز يعني ههرب من إيه، وعلى فكرة منى زكي كمان ومنى كمان مش لابسة دبلة برضو بس الدبلتين موجودين”.

وعن شكل الخلاف والشجار بينه وبين منى زكي، كشف أحمد حلمي، قائلًا: “بقيت أخلص الخناقات على طول والأول كانت الخناقة بتقعد كتير وتوصل لـ4 أيام والجو يبقى متنشن وبعدين نتصالح في اليوم الخامس”.