بيومي فؤاد ينهار من البكاء.. ويرد على هجوم كاملة أبو ذكري بسبب محمد سلام: هاخد حقي
وجه الفنان بيومي فؤاد، سؤالًا للفنان محمد سلام بعد عرض صورة له ببرنامج «حبر سري»، مع الإعلامية أسما إبراهيم، على قناة القاهرة والناس، وحاول كتم البكاء قائلا: «ربنا معاك.. ولو هسأله هقوله إزاي متطلعش تدافع عننا وعن محمد أنور وهو ترشيحك وحقك عند ربنا».
وأضاف: «أنا صدقتك جدا في الفيديو وأنت قلت في الفيديو بتاعك لا نفاق ولا رياء وانا قلت وجهة نظري العبيطة عشان أنا راجل طيب مكنتش هتخسر حاجة لو طلعت تقول أنا مقدرش أروح ومش معنى أن محمد أنور قدر وراح يحصل معاه كده يا جماعة خصوصا إنك طلعت دافعت عن أمير كرارة لما طلعت شائعة أنه مشاك من المسلسل بتاعه».
وتابع: «وطلعت دافعت عن أحمد الجنايني ليه مطلعتش تدافع عن محمد أنور مش عني وانا كنت كل يوم بسأل قبل وبعد الفيديو وده اللي كنت مستنيه منك ورزقك على الله والعمر واحد والرب واحد، لكل اللي شتموا وكل اللي فهمني غلط أنا غلط بس راجل وأطلع في كل برنامج أقول كده».
وعلق الفنان بيومي فؤاد، على هجوم المخرجة كاملة أبو ذكري عليه بعد أزمته مع الفنان محمد سلام بسبب رفض الأخير مشاركة بيومي في عرض مسرحي بالسعودية بالتزامن مع العدوان على غزة.
وقال بيومي فؤاد، خلال حوار ببرنامج «حبر سري»، مع أسما إبراهيم، على قناة «القاهرة والناس»: «كل واحد في حاله ولم يحصل عتاب ولا كلام وفي حاجات مينفعش فيها كلام وده رأيها».
وأضاف أن «العلاقة بينهما كانت كلها ود»، متابعا: «كان في بينا كلام وهي مخرجة كبيرة والواحد يتمنى يشتغل معاها وفي سجن النسا بعتتلى وعرضت عليا 3 أدوار وساعتها كان عندي مسلسلات كتير فرحت لها واعتذرت لها وتقبلت الاعتذار».
وعن موقفه مما قالته المخرجة كاملة أبو ذكري في المنشور الذي هاجمته فيه عبر موقع التواصل الاجتماعي «فيسبوك»، قال: «قبل كده هي قالت إنها كانت واحدة من جمهوري ومحبيني وبعدين قالت اللي قالته عليا وأنا بقرأ البوست بعد الأزمة قلت حقي عند ربنا وكل واحد هياخد حقه».
About The Author
