إيناس الدغيدي تتحدث عن رائيها فى الحجاب وتؤكد: عمري ما سمعت شيخ

قالت المخرجة إيناس الدغيدي إن البعض يستهزئ بما تقوله عن علاقتها بربنا، بسبب شهرتها كشخصية منفتحة وجريئة.

وأضافت خلال حوارها مع الإعلامية أميرة بدر في برنامج “أسرار” المذاع عبر قناة النهار: “عندي علاقة قوية جدا بربنا وملموسة جدا في حياتي، كل يوم لما أقوم وقبل ما أنام أشكر ربنا، لكن أنا ست مش متدينة”.

وتابعت: “في جملة أخذتها من علم الطاقة هي اللهم إني أحبك فحببني فيك أكثر يا الله، الجملة دي ممكن أعيط فيها، وأقولها طول ما أنا سايقة لوحدي”.

وردا على سؤال هل تستمع إلى أحد الشيوخ المتفتحين، قالت إيناس الدغيدي: “عمري ما سمعت شيخ، وحتى لو سمعته مش بديله أي اهتمام، أنا والدي كان رجل دين ولغة عربية، وأخذت الدين لما كان عمري 5 سنين، ومش محتاجة شيخ يقول حاجة”.

وروت إيناس الدغيدي كواليس أول رحلة حج قامت بها قائلة: “أنا حجيت مرتين وعملت حوالي 20 عمرة، أول مرة وبالذات لما شوفت الكعبة جالي إحساس غريب إن ده بيت ربنا وجسمي قشعر وعيطت، لكن بعدها بقت طقوس بدون إحساس أول مرة”.

أوضحت إيناس الدغيدي أنها لم تتراجع عن رأيها في الحجاب قائلة: “أنا أمي ماتت عندها 80 سنة وكانت مش محجبة، لكن كانت متدينة وعارفة ربنا، وبابا كان رجل دين وإحنا بنلبس ميني جوب، وعمره ما قال لنا اتحجبوا”.