سعاد صالح: ترقيع غشاء البكارة مش حرام والزواج العرفي محرم
علقت الدكتورة سعاد صالح أستاذ الفقه المقارن بجامعة الازهر على فتوى ترقيع غشاء البكارة قائلة: “لو بنت غلطت مع واحد وحبت تعمل عملية ترقيع لغشاء البكارة عشان تستر على نفسها كنوع من الستر ومتقولش لجوزها ده مفيهوش حرمانية، وده رأي دكتور علي جمعه ايام ماكان مفتي ورأي اساتذة كثيرين من جامعة الازهر، وكنت ضده وقلت حرام لأنه غش، لكن اقنعوني وقالولي يا دكتورة الاسلام يميل للستر، وحديث الرسول بيقول ذهب احد الرجال له وقال له اني زنيت واريد ان اقيم الحد فا قال له قوم صلي وعادها، بعدها جري والصحابة مسكوه عشان يقيموا عليه الحد الرسول نهاهم عن كده، لان توبته واعترافه تملأ الارض توبة”.
وقالت الدكتورة سعاد صالح، خلال استضافتها ببرنامج “أسرار” مع الإعلامية أميرة بدر المذاع على قناة النهار: “موضوع عملية ترقيع غشاء البكارة فيه نوعين مغتصبة وفيه اللي غلطت، مش معقول اعاقبها لانها مكبرة، اما بالتراضي بوازن بين ضرر اخف وضرر اشد، فالاخير ممكن تقتل من اهلها و ممكن تنحرف فا بحافظ عليها، وعندنا في الشريعة ليس من حق الزوج او الزوجة معرفة ماضي الاخر، ليه بنميز بين الرجل والمرأة، وان ربنا حليم ستار، وعندي مثل كنت عميد فالكلية وجالي رجل ومرأة متزوجين، فالرجل قالي انهم متزوجين بقالهم ٢٥ سنة وجوزنا ولادنا، وقاعد بدردش مع زوجتي قالتله كنت مخطوبة لفلان ورغم انها محفظة قران، قلتله ربنا حليم ستار، وبتكلم عن العلاقات مش الزواج، لان الزواج لازم تقول، والزواج العرفي حرام”.
علقت الدكتورة سعاد صالح استاذ الفقه المقارن بجامعة الازهر على فتوى ارضاع الكبير التي اثارت الجدل قائلة: “في حديث عن السيدة عائشة رضي الله عنها عشان هي مخلفتش اما كانت تحب حد يدخل عليها من اولاد اختها او اخوها كانت تخلي حد من القرايب يرضع عشان لما يدخل يبقى قريبها في الرضاعة لكن الفتوى كانت للاطفال”.
وقالت الدكتورة سعاد صالح: ازاي شحط يعمل كده واللي قال كده اتحول للتحقيق وقلت إن فيه اختلاف في الرأي وحتى ماتراجعش في قوله واتحول لمجلس تأديب وقالوله ترضى مراتك ترضع حد غريب وفتوى مش موجودة والحديث بيقول كده و رواه مسلم للاسف، وبيقول فيما معناه.
كانت السيدة عايشة اذا ارادت ان يدخل عليها احد امرته ان يذهب لزوجة اخيها عشان في معناه لما يدخل عليها يبقى قريبها في الرضاعة وده بعتبره نوع من كشف العورة اللي بيؤدي للفواحش في المجتمع وان اللذين يحبون ان تشيع الفاحشة اللذين امنوا لهم عذاب اليم في الدنيا والاخرة والله يعلم وانتم لا تعلمونوفيه حاجات اكتر من كده بس مبتطلعش ويجب تجديد الخطاب الديني”.
برنامج “أسرار” تقدمه الإعلامية أميرة بدر على شاشة النهار يومياً خلال شهر رمضان، في الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.
