أحمد عبد الوهاب: وقعت من على الحصان أثناء تصوير الحشاشين وجتلي عقدة
كشف الفنان أحمد عبد الوهاب عن المصاعب التي واجهتها أثناء تصوير مشاهده في مسلسل الحشاشين مشيرا إلى أنه تعرض للإصابة خلال تصوير إحدى المشاهد بسبب سقوطه من على الحصان، مما أدى لإصابته بعقده.
وحكى أحمد عبد الوهاب في لقاء مع برنامج “عرب وود”: “وقعت من على الخيل وهو بيجري، وإحنا بنصور مشهد والمفروض خارجين من المعسكر فرسان بنجري بالحصان، توازني اختل ورجلي خرجت من الركاب وحاولت أمسك الحصان من اللجام، فالحصان طلع ندل شوية راح مميل رقبته ووقعني على كتفي، واتعقدت وكنت مش عايز أركب خيل تاني”.
وتابع أحمد عبد الوهاب حكايته: “بعدها بيومين بالظبط كان عندنا مشهد هنصور حاجة بالخيول، ودكتور بيتر ميمي عارف إني متعقد فقالي الحصان دا تمام ومتقلقش وعشان إبراهيم كمال اللي قدم دور “سليمان” أحسن واحد فينا بيركب خيول قاله إطلع إنت جرب الحصان بتاع عبد الوهاب عشان يتطمن وخد بيه لفه وأرجع له”.
وأكمل: “فضلت قاعد مستنيه يجرب الحصان لقيته أتأخر أوي فجأة لقيت ناس بتجري ولقيت إبراهيم راجع وإيديه مجروحه والحصان وقعه”.
