رانيا يوسف تعترف: بعيش قصة حب ومش هغير لبسي عشان حد

أعلنت الفنانة رانيا يوسف دخولها في قصة حب جديدة الفترة الحالية، وذلك بشكل خاص لبرنامج “الستات مايعرفوش يكدبوا” على قناة “CBC”، في حلقة اليوم مع الإعلاميتين إيمان عزالدين، ومنى عبد الغني.

وقالت رانيا يوسف: “الآن إحنا في حالة إعجاب متبادل وهو متواضع جدا ومكافح جدا بحترمه جدا وهو مطلق وله ابن وهو صديق كويس لطليقته وهو أكبر مني بأربع سننين، فأنا لا أؤمن بفرق السن”.

وبسؤالها عن المواصفات التي ترفضها في الرجل الذي سترتبطه به، قالت: “أرفض البخل في الرجل لأنه يعني البخل في الوقت، المسئولية، العواطف والماديات وأرفض الرجل الذي يهتم بالمظاهر الخادعة”.

وعن تفاصيل حفل الزفاف، قالت: “لا مش هاعمل فرح، أنا بكره فساتين الفرح وبكره كل التقاليد بتاعت الأفراح”.

وبسؤالها عن موضوع تطرق له البرنامج بشأن البحث عن ماضي الشريك، وهل تبحث رانيا يوسف، عن ماضي شريكها، قالت: “إحنا قافلين باب السؤال على شريك الماضي”.

وتطرقت رانيا يوسف عن الانتقادات الخاصة لها في بعض الأحيان بشأن إطلالتها الجريئة، قالت: “مش بسمع لأي انتقادات عن لبسي، ده ذوقي وهفضل كده ومش هتغير عشان حد”.

تابعت: “بشوف إن دي شخصيتي وده لبسي حتي لو هافقد جزء من جمهوري، اللي بيحبك بيحبك لنفسك، أنا لو قررت أتغير علشان التعليقات هتغير بشكل مزيف”.