ماما دهب ترفض حضور سلمى الشيمي لمطعمها بملابس مكشوفة.. والأخيرة: هلبس إسدال
أكدت دهب غريب، الشهيرة بـ”ماما دهب”، أنها تحرص على بث رسائل معينة من خلال مطعمها الشهير في وسط البلد، وتعكس هذه الرسائل طريقة تفكيرها، ولهذا فهي ترحب باستقبال البلوجر سلمى الشيمي في المطعم، ولكن وفق القواعد التي تحرص عليها.
جاء ذلك خلال استضافة ماما دهب وسلمى الشيمي في برنامج “شاي بالياسمين”، الذي تقدمه الإعلامية ياسمين الخطيب عبر قناة النهار، حيث اشتكت سلمى من تعرضها للظلم في الآراء التي تتناول ملابسها، أو طريقة تقديمها للفيديوهات الخاصة بها على منصات التواصل الاجتماعي.
وقالت سلمى الشيمي: “أنا ممكن أتعرض للظلم في موضوع اللبس، وبلاقي إن عادي الممثلة تلبس أي حاجة، لكن الموديل أو البلوجر أو أي حد تاني مينفعش تلبس لبس معين”.
وردا على سؤال ياسمين الخطيب: “تعملي إيه لو سلمى راحت عندك المطعم لابسة جينز ضيق أو ساقط شوية، وبودي زي الفستان ده”، قالت ماما دهب: “أول حاجة سلمى تيجي تنور الدنيا وسط إخواتك وعيلتك وأصحابك في المكان، رقم اتنين إني هجيب الطرحة بتاعتي وإديهالك، وكل ده هيتغطى وإنت قاعدة، وده حصل والبنات بيستجيبوا جدا”.
واعترضت سلمى الشيمي على ما قالته ماما دهب، وعقبت قائلة: “مش عايزاكي تزعلي مني لكن أن مش هقبل ده، أنا خارجة في مطعم وعايزة أتصور مع صحابي بلبسي، إيه الفكرة أحط حاجة عليا وأنا في مطعم مش في جامع أو كنسية”.
واعتبرت ماما دهب أن القواعد التي تتحدث عنها تعود إلى خصوصية مطعمها قائلة: “لو مطعم عادي يا سلمى براحتك، لكن مطعمي مش عادي، أنا عندي طريقة تفكير ورسالة معينة بقدمها من خلال عربية السندوتشات، هل في أي صاحب مطعم هيسألك إنت شبعتي، ومعاكي فلوس مواصلات؟”، وهو ما عقبت عليه سلمى الشيمي قائلة: “يبقى أنا هروح عندك لابسة إسدال”.
