هاني شاكر يرد على اتهامات سرقة أغنية “رحماكي”: ناس فاضية

علق الفنان هاني شاكر على البلاغ الذي قدم ضده في قسم شرطة الدقي من قبل الشاعر هاني عبد الموجود، صباح أمس، يتهمه فيه بسرقة أغنية “رحماكي”، إذ سبق وقام بتسجيلها بالشهر العقاري باسمه، وتحرر المحضر اللازم، وأُخطرت النيابة المختصة للتحقيق.

قال هاني شاكر في تصريحات لـ ET بالعربي: “ده راجل عايز يشتهر على حساب الناس المحترمة، لأن بصراحة مين الراجل ده عمل إيه قبل كده، إيه أعماله الفنية، وبعدين عبد الموجود ده كان موجود فين من أكثر من 15 سنة إيه اللي فكره بالغنوة دلوقتي”.

وأضاف هاني شاكر: “وأنا مالي أنا والملحن والمنتج، مشكلته الأساسية المفروض تبقى مع المؤلف للأسف يا أحمد دي ناس فاضية وبتدور على الشهرة بأي شكل”.

أغنية “رحماكي” كانت طرحت عام 2015، ضمن ألبوم “حبيب حياتي”، ومن كلمات محمد العامودي، وألحان محمد ضياء الدين.