أحمد السقا يرد على أخبار انفصاله عن مها الصغير: أنا متجوزش متطلقتش

رد النجم أحمد السقا على الأخبار التي انتشرت عن انفصاله عن زوجته الإعلامية مها الصغير، مؤكدا أنها أخبار لا أساس لها من الصحة.

وقال أحمد السقا خلال لقائه في برنامج “أسرار النجوم” مع إنجي علي عبر إذاعة وقناة “نجوم FM”: “أنا متجوزش متطلقتش الحمد لله، ولو لا قدر الله حصل وربنا ما يجيب حاجة وحشه أبدا، لو حصل حاجة العالم كله هيعرف”.

وتابع أحمد السقا: “الموضوع دا مش جديد الموضوع دا بيتقال عليا من 19 نوفمبر 1999 من يوم جوازي، وطبيعي أي اتنين متجوزين بيمروا بمشاكل، والحمد لله أنهم بيعملوا كده بعد لما ربنا هداني أنا كنت زمان بنزل وأسيب دماغي في درج”.

وعن أكثر فترة في حياته الشخصية يريد توثيقها قال أحمد السقا: “حقبة اليوم اللي اتجوزت فيه وبقى عندي 3 شباب ضهر وسند، أنا اتجوزت 23 سنة وأنا الولاد ومامتهم إحنا 5 أولاد في البيت مش أب وأم وأولادهم”.

وخلال اللقاء كشف أحمد السقا عن تعرضه لمواقف خطيرة خلال تصوير مشاهده في فيلم “السرب”، الذي انطلقت عروضه في السينمات مؤخرا.

وقال أحمد السقا: “أنا دوري في الفيلم واحد مستهتر وشبه عميل مزدوج، شغال مع الأعداء في تهريب البترول والسبايا، وعايش وسطهم 5 سنين، وبعدين نكتشف إنه ذو إمكانيات خاصة ومن جهة معينة”.

وأضاف: “مع إني لعبت رماية ورامي درجة أولى كان لازم أتعلم طريقة حمل السلاح وضرب النار، وربنا رزقني بضباط محترمين جدا رحت أنشاص وأخذت فرقة كاملة معاهم، وتقريبا سحلوني”.

وتابع: “من أصعب مشاهد الفيلم مشهد تحرير السبايا، المفروض إني أفجر قنبلة في الباب وأحرر السبايا وأخرج، وفي واحد لم يتم إخطاره بحدوث الانفجار، وحصلت فرقعة افتكرتها القنبلة وإشارة دخولي، ودخلت راحت العبوة ضربت فيا أنا”.