فتحي سعد لـ اتجاهات: الفنان في بلادنا لما بيكبر سعره بيزيد
حوار/ آية سالم
فنان كوميديان اشتهر بتقديم الأعمال الكوميدية لحضوره المميز الذي يجعله من الفنانيين الأكثر مشاهدة ويتابعه الكثير لإجادته التامة للأدوار الذي يقوم بتقديمها وهو الفنان الكوميديان “فتحي سعد” الذي قدم الكثير من الأعمال وتميز في الأدوار الكوميدية حيث يمتلك الطابع الكوميدي الساخر وقدم الفنان “فتحي سعد” الفترة السابقة العديد من العروض المسرحية من ضمنهم العرض المسرحي الكوميدي “الدنيا مقلوبة” والعرض المسرحي الاجتماعي “ابن العمدة 2″، وفي حوار ممتع مع الفنان “فتحي سعد” تحدث عن..
- هل الفن يظلم فنانون ويعلي من قدر فنانون آخرون؟
هو كل مهنة في الدنيا لها حسناتها ولها سيئاتها ومهنة الفن عموماً زي أي مهنة زي المهندس وزي الدكتور هتلاقي الكويس وهتلاقي الوحش وهتلاقي إن في ناس غير سوية لكن في النهاية لا يصح إلا الصحيح والموهبة هي اللي بتفرض نفسها.
- يوجد فنانين بالفن عندما بلغوا المشيب تم نسيانهم فماذا تحب أن تقول عنهم؟
عاوز أقولك إن في بلادنا العربية الفنان لما بيكبر كل ما سعره بيزيد لكن عندنا إحنا بيقولوا لا خلاص راحت عليه فطبعاً دي مشكلة حتى فريد شوقي اتعرض للمسألة دي عشان كده إبتدى ينتج لنفسه ورجع تاني بقي فريد شوقي لكن هنا في ظلم شديد للفنانين كبار السن طبعا.
- إذا اتيحت لك فرصة التمثيل مع نجوم الزمن الجميل من تختار الوقوف أمامه؟
ناس عظيمة ده جيل جميل وطبعاً كنت أحب أختار “حسين رياض – المليجي – نجيب الريحاني” كل الناس العظماء دي وكمان “إسماعيل ياسين – أنور وجدي” و طبعاً احنا محضرناش الجيل ده بس كنا بنتمنى إننا نكون موجودين في الزمن ده.
