تليفزيون
ويجز يدعم مبادرة خالد النبوي لإثراء اللغة العربية: لغتنا تراث وهوية وحضارة
أعلن مغني الراب ويجز عن دعمه لمبادرة النجم خالد النبوي لإثراء اللغة العربية، مؤكدا على أهمية الاهتمام باللغة وما تختزنه من تراث وحضارة خاصة بالمنطقة العربية.
وقال ويجز في فيديو نشره عبر صفحته الرسمية في موقع التواصل الاجتماعي إنستجرام: “أنا راجل بحب اللغة العربية جدا، وبزعل لما أحس إني لوحدي وإن الناس فقدت الاهتمام باللغة العربية”.
وأضاف: “في حاجات كتيرة بتيجي مع اللغة العربية، الموضوع مش بس لغة، الموضوع تراث وهوية وحضارة جميلة شايف إن ينفع نتعلم منها كتير أوي”.
وتابع: “أنا شوفت حملة مدينة مصر بتاعة أستاذ خالد النبوي، وحبيت أشكرهم على التوجه ده، دي بجد حاجة جميلة إننا نحاول نوصلها لجيل جديد وناس كتير، وإننا نبتدي نبص ورانا علشان نقدر نشوف مستقبلنا”.
