منة شلبي تشتري صك أضحية باسم الراحل أشرف مصيلحي .. وأرملته منال الصيفي تعلق

لفتة إنسانية قامت بها النجمة منة شلبي بشراء صك أضحية باسم الفنان الراحل أشرف مصيلحي، الذي توفى في سبتمبر 2023، وردت عليها أرملته المخرجة منال الصيفي.

نشرت منال الصيفي عبر حسابها بموقع Facebook صورة لصك أضحية باسم أشرف مصيلحي، وبجانبه صورة لمنة شلبي، وعلقت كاتبة: “الحمد لله على وجود ناس في حياتي كل شويه بيقولولي احنا معاكي وجنبك، بالرغم اني مش بشوفهم كتير، بس بيحسسوني بأمان كبير قوي، حقيقي الحمد لله يارب الناس دي رزق ربنا باعته لي علشان يطبطب عليا، وانتي منهم، ربنا يسعدك يا منه يارب زي ما دخلتي في قلبي السعاده أكيد أشرف حاسس بده دلوقتي شكرا يا غاليه شكرا”.

يذكرأن أشرف مصيلحي توفي بعد معاناة مع مرض السرطان المخ من الدرجة الرابعة لمدة 3 سنوات، وتوفي عن عمر يناهز 49 عاما.

أوضحت منال الصيفي أنها علمت من الأطباء المعالجين لأشرف مصيلحي عن قرب رحيله قبل فترة قائلة: “كان بيدخل في جهاز بيضايقه، وسألت الدكتور ليه بنعمل كده، قاللي إنت قارئة وفاهمة وهتفرق 8 شهور، ودكتور آخر قاللي آسف إحنا عملنا كل حاجة، مش عايزك تحسي في يوم إن ضميرك مؤنبك”.

ووجهت منال الصيفي رسالة لزوجها الراحل قائلة: “شكرا لإنك أكرمتنا وسترتنا وخلتنا مش محتاجين لحد، وكبرت الأولاد كده وأنا هكمل، وشكرا لإنك بكل التعب ده متقلتش علينا”.