إستدعاء ولي أمر ل أسامة سعيد من مهرجان الإسكندرية المسرحي الدولي

حوار – آيه سالم

عرض إستدعاء ولي أمر من أمتع و أقوى العروض المسرحية التي تم عرضها بمهرجان الإسكندرية المسرحي الدولي (مسرح بلا إنتاج) حيث أشاد بها جميع الدول المشاركة بالمهرجان ولاقت إستحسان الجمهور بشكل كبير و حصل العرض على جوائز و هم أفضل إضاءه وجائزة التميز في الأداء الجماعي و كانت البطولة من نصيب الشخص الذي قام بأداء الدور بشكل إحترافي والذي قدم الدور بالطريقة الصحيحة لأبعاد الشخصية لتوضيح فكرة العرض بكامل تفاصيلها و هو الفنان (أسامة سعيد) .

من هو أسامة سعيد ؟

أنا أسامه سعيد عوض من مواليد محافظة كفرالشيخ 5 – 12 – 1997 طالب بكلية الزراعة جامعة الإسكندرية و شغال جرافيك ديزاينر وفيديو ايتدور و هواياتي كلها بتتحصر ف المسرح من تمثيل أو رقص أو تصميم دراما حركيهة أو إخراج و مازلت لسه في مرحلة إني بكتشف نفسي لسه .

حدثني عن دورك بالعرض المسرحي إستدعاء ولي أمر ؟

أنا كنت بمثل دور يحيى ودا شاب في ثانويه عامه بيحكي المعاناه اللي عشها بسبب طريقه التربيه المنتشره تقريبا في كل البيوت المصريه اللي بتسبب عقد نفسيه ومشاكل في شخصيه الطفل ال بتخليه يكبر بشخصيه ضعيفه وارث كل الصفات السيئه من ابوه من عصبيه وشك وإهانه وضرب للشخصيات الأضعف منه وبيحكي عن الدائره الكبيرة اللي إحنا عايشين فيها بسبب إن طريقة التربية دي بتورث من الاب للإبن وبالتبعيه للإبن اللي بعده وبيدور يحيى خلال العرض عن طريقة يوضع فيها نهاية للدايرة دي فبيجرب يواجهه ابوه ولكنه بيقابله أبوه بسخريه منه فبيقرر إنه يوقف الدايرة دي بإنه ينتحر .

ما هو شعورك تجاه العرض المسرحي إستدعاء ولي أمر ؟

من أهم النصوص اللي إشتغلت عليها بجد عرض بيوصل رساله حقيقية وبيناقش قضية حية من سنين فاتت واللي خلاني أقول كدا ردود أفعال الجماهير كبار السن اللي هما الأبهات و الأمهات عشان شوفت عنيهم إنهم فهموا هما قد إيه دورهم في حياة أولادهم مهم جدا ودا كان شئ بالنسبالي عظيم جدا .

ماذا يعني لك المسرح ؟

المسرح بالنسبالي فريق مسرح كلية زراعة أو خليني أقول عيلتي التانية هي اللي عملت أسامه أنا عملت صحاب عمري من هناك المكان دا لتالت سنه على التوالي بياخد جايزة أفضل عرض جماعي ودا صعب تلاقيه في أي فريق تاني جامعة إسكندرية كلها بتتكلم عن روح الفريق دا وبالمناسبة انا كنت رئيس الفريق 2022 و 2023 .

ما هو طموحك و حلمك ؟

أشوف في عيني نفس النظرة اللي كانت في عين عصام عمر بعد عرض فيلم بطولته في مهرجان فينيسيا السينمائي وقتها فعلا هحس إني وصلت لطموحي و أنا ديما بسعى إني أحقق ده .