سعد الصغير يهاجم بوسي: أها يا دنيا كانت أغنية أمينة ومنعت أبوها يحضر فرحها وكتفت جوزها قدامي

حل المطرب الشعبي سعد الصغير، ضيفا على برنامج «العرافة»، الذي تقدمه الإعلامية بسمة وهبة عبر فضائية «النهار»، حيث صرح بعدد من التصريحات المثيرة صد المطربة بوسي، ورد على اتهامات الفنانة بوسي، له بالغيرة الفنية منها.

– «يا بوسي أنا واقف معاكي بقالي 10 سنين، كلمتها قلت لها إحنا مش عاوزين حاجة قولي لأبوكي أنا مسامحاك، لكنها مرضتش تسامحه خالص».

– “كتفت جوزها وجابت ناس وضربته بالشبشب على وشه، الراجل قال أنا عاوز 4 مليون جنيه، إديته مليون جنيه وبعدين اتحبس”.

– “أغنية آه يا دنيا اللي شهرتها، أنا اللي جبتها لها من محمد عبد المنعم وكانت الأغنية دي بتاعة أمينة، وكنت بنام على الكنبة عشان تصور الفيديو كليب بتاعها، بوسي أنا واقف جانبك بقالي عشر سنين”.

– “في يوم فرحها أرسلت رسالة لوالدها طالبته فيها بأن يرتدي بدلة وأخبرته بأنها ستخصص له سيارة تحضره للفرح.. اللي حصل إنها ثبتته عشان تمنعه يجي الفرح، وكل شوية يكلمني وأقوله إن شاء الله جاية ومرضتش أقوله إنها ثبتته لأني مكنتش عارف أقوله ايه”.

وكانت المطربة بوسي، اتهمت المطرب الشعبي سعد الصغير بأنه يغير منها، بسبب ظهوره مع والدها الراحل رغم علمه بوجود خلافات بينهما، موضحةً: “معرفش اللي بيعمله ده اسمه إيه، غيرة؟! أول مرة أشوف راجل بيعمل كده، أنا الحمد لله بقيت في حتة تانية ومتقارنش”.