أحمد العوضي: أنا مش رومانسي وياسمين عبد العزيز هي حب حياتي
قال الفنان أحمد العوضي إن زوجته السابقة النجمة ياسمين عبد العزيز هي الحب الأصدق في حياته، موضحا “حب المراهقين مش أصدق حب في حياتي، أصدق حب كان ياسمين طبعا”.
وأضاف العوضي خلال لقائه مع الإعلامية منى عبد الوهاب في برنامج “ع المسرح” المذاع عبر قناة الحياة: “ياسمين هي الحب الحقيقي والوحيد في حياتي، لإني عشت معاها أيام بفترات بمراحل، وهفضل أقول كده علطول مش دلوقتي بس.
وكشف أحمد العوضي عن نظرته لأهمية وجود المرأة في حياة الرجل قائلا: “الست مهمة جدا في حياة الراجل، والراجل ميقدرش يعيش من غير ست، هي نصه الثاني، ربنا لما خلق سيدنا آدم خلق معاه حوا”.
وأوضح العوضي، إنه مش رومانسي ملزق ولكن رومانسى برجولة وأضاف فيه نوع من الرومانسية بيضايقني اللى بيبقى فيه تلزيق، وتابع: الراجل لازم يبقى راجل في كل حاجة تركيبتى كده مشيرا إلى أن حب الراجل للست مش ضعف، وقال: عملت أدوار رومانسية بس هي مش نوعى بحب الأدوار الرومانسية على طريقة عرب السويركى.
وحول لجوئه لطبيب نفسي قال العوضي: ما روحتش لدكتور نفسي قبل كده ولا فكرت وما قابلتنيش مشكلة تستدعى أنى أروح لدكتور نفسي.
