بعد أحمد عبد الوهاب.. سامي الشيخ يكشف عن إصابته أثناء تصوير الحشاشين
يبدو أن إصابة الوقوع من على الخيل أصابت عدد كبير من أبطال مسلسل الحشاشين، فبعدما أعلن الفنان أحمد عبد الوهاب عن إصابته أثناء تصوير إحدى المعارك في المسلسل وتسببه فى عقده له على حد وصفه، خرج الفنان سامي الشيخ ليعلن هو الآخر عن تعرضه لإصابة أثناء التدريبات لشخصية “برزك أميد” في مسلسل “الحشاشين”.
وقال سامي الشيخ خلال لقائه في برنامج “كلمة أخيرة” الذي تقدمه الإعلامية لميس الحديدي على شاشة ON: “كنت محتاج أتمرن كتير على ركوب الخيل، وبالنسبة ليا الخيل مخيف، وقعت قبل ما نصور على ضهري وإحنا في البروفات، وجيت لهم أول يوم تصوير “وارم”، وكانت حاجة من الاتنين يا مش هعرف أصور وهيجيبوا حد تاني أو استحمل وأركب خيل تاني”.
وأضاف الشيخ: “مشاهد الخيل كانت صعبة جدا، في مشاهد أنا بجري بالخيل وورايا 50 حصان، والجيش اللي ورايا أحسن مني كتير، ولو حصل أي حاجة هتبقى مشكلة، ركوب الخيل أصعب من مشاهد الأكشن، الأكشن إنت بتتحكم في جسمك، لكن الخيل ممكن حسب مزاجه ممكن أقع”.
وتحدث سامي الشيخ عن كواليس العمل مع كريم عبد العزيز قائلا: “ساعات من كتر ما هو مبهر كنت ببقى واقف بنسى الكلام اللي هقوله، أنا بتعلم منه”.
