دياب: غنيت أول مرة بـ 45 جنيه وأغاني المهرجانات بتخوفني عشان كلامها عدواني

تحدث الفنان دياب، أثناء حلوله ببنرامج “كلمة أخيرة” مع الإعلامية لميس الحديدي، عن صدفة اكتشاف موهبته، عندما سؤل عن كيفية معرفته أنه موهوب، قال دياب: “مكنتش أعرف ان صوتي حلو، كانوا في المدرسة يقولولي أغني وألاقيهم مبسوطين بس أنا مش حاسس بإعجاز في اللي بعمله”.

ثم حكى دياب: “مرة كان في فرح في شارعنا بتاع حد من جيراننا وطلعوني أغني أغنية موال الصبر للأشتاذ أشرف المصري وكنت بترعش. فضلت لغاية نص الأغنية وأنا بترعش ودي كانت أول أغنية أغنيها. بعدها بأسبوع صاحب الفرقة كان عنده فرح ومفيش مطرب فاضي، نده عليا وقالي أغني مقابل 45 جنيه، قلتله دة أنا أغني جدا، كان في سنة 96 وكانوا مبلغ كويس وقتها”.

وأضاف دياب: “وكان عندي 15 سنة ونص ورحت غنيت وحصل قبول عند الناس وبقوا يدوني فلوس في جيبي، وبقوا يطلبوا مني أغاني كنت حافظها. جالي حوالي 3 أفراح يوميها. فبقيت اشتغل مغني يوميا”.

تحدث الفنان دياب عن أغاني المهرجانات، حيث قال دياب: “مشكلتي الوحيدة مع بعض أغاني المهرجانات اللي كلماتها بتحث على العدوانية، دي اللي بتضايقني وبتخوفني، لانني بشوف الشباب شكلهم اتغير على السوشيال ميديا”.

وأضاف دياب أنه لا يمانع أن يغني أي شخص سواء أجاد الطرب أم لا، وعلق: “معنديش مشكلة طالما الناس مشاورة عليه”،

وتابع دياب عن أغاني المهرجانات: “الحاجة الوحيدة اللي معترض عليها نوع الكلام، لكن كموسيقى، مقدرش أصادر على ذوق الناس وأي حاجة عاجبة الناس وبيشاوروا عليها”.