نهى عابدين تتحدث عن إصابتها بالاكتئاب: اتهموني إني بعمل شو

تحدثت الفنانة نهى عابدين عن فترة إصابتها بالاكتئاب وتفكيرها في الاعتزال، مؤكدة أنها لا تعرف سببا واضحا لمرورها بهذه الحالة.

وقالت نهى عابدين خلال لقائها في برنامج “مساء dmc” من تقديم إيمان الحصري عبر قناة dmc: “مفيش أسباب معينة للاكتئاب، هي بتبقى تراكمات أنا نفسي مش قادرة أحط إيدي على السبب هي تراكمات من ضغوط الحياة وتراكمات ممكن تكون حصلت من 10 سنين ودلوقتي ظهرت”.

وعن طريقة تعاملها مع الاكتئاب قالت نهى عابدين: “أنا لما بيجيلي اكتئاب بسيب نفسي أخلص الجرعة اللي أنا فيها وبعد كده أقوم، لما تبقي متضايقة خرجي كل اللي جواكي عشان تقومي فايقة”.

وأكدت نهى عابدين أنها عندما قالت إنها تفكر في الاعتزال لم تكن تبحث عن الترند قائلة: “لما كتبت إني عايزة اعتزل ناس كتير اتهمتني إني بعمل كده عشان الشو ولفت النظر ومحدش يعرف الكواليس والتفاصيل، قالوا إنه عشان اتجوزت أو عشان بقول إن التمثيل حرام، وهي كانت فترة وعدت”.