فتحي عبد الوهاب: عبلة كامل بتتحول وقت التصوير وخفت منها في”ريا وسكينة”

حكى الفنان فتحي عبد الوهاب عن أول لقاء جمعه بالفنانة عبلة كامل خلال تصوير مسلسل “ريا وسكينة” كاشفا أنه خاف منها كثيرا

وقال فتحي عبد الوهاب في لقاء مع “Gossips” عن تعاونه مع عبلة كامل: “أول مرة اشتغلت مع عبلة كامل كان بالصدفة في مسلسل “ريا وسكينة” أنا جيت بسبب أن خالد صالح دخل عمل عملية ومكنش ينفع يصور وهما كانوا بيعرضوا على الهواء وأنا كنت بصور مسلسلي وكان لسه مش هيتعرض فوقفت يوم ورحت أصور ودي كانت أول مرة أتعامل معاها”.

وتابع فتحي عبد الوهاب: “أستاذة عبلة كامل بتتحول في التصوير وكانت أول مرة في حياتي أخاف فعلا خوف حقيقي قدام الكاميرا لأني مكنتش فاهم هو دا تمثيل ولا هي دخلت في نوبة، دا كان في مشهد التحقيق بعد ما بنتها اعترفت في حاجة حصلت كده مرعبة هي موهبتها جبارة، ولولا إني ثباتي الانفعالي لا بأس به كان المشهد هيبوظ”.