خالد محمود: أرفض القبلات في الأعمال الفنية
أكد الفنان خالد محمود أنه يؤيد يوسف الشريف ويحترمه في رفضه للقبلات وعدم لمسه للزميلات في العمل فني، مشيرا إلى أنه يحترم مبادئه.
وقال خالد محمود خلال تصريحات تليفزيونية إنه قدم من قبل مشهد به قبلة في أول أفلامه لكن من بعد ذلك العمل رفض أي مشاهد بها قبلات.
وقال خالد محمود: “يوسف الشريف يُحترم ودي وجهة نظره وأنا أحترم وجهة نظره جدا لأني أنا مع المبدأ دا لأني أنا ضد البوس والقبلات في الدراما أصله هو هيفيد بإيه في الدراما، فين فايدة إن البطل يبوس البطلة مفيش مبرر درامي”.
وأضاف خالد محمود: “أنا اتربيت إني مطلعش أبوس وأحضن ليه أثير الغرائز عند الناس”.
وحكى خالد محمود قائلا: “في فيلم “شاويش نص الليل” كان في قبلة، أنا وقتها كان عندي 18 سنة، مكنتش أقدر أتكلم أو أقول أي حاجة، طالب لسه في المعهد اتطلب منه في الفيلم أنه يكون في قبلة، ومش هبرر وأقول أن لها سياق درامي كان ممكن تتشال، لكن وقتها أنا مكنتش صاحب قرار”.
نرشح لك: أكرم حسني يكشف سبب انسحاب المخرج محمد سامي من “العميل صفر” بعد أسبوع تصوير
وتابع: “لما اتعرض الفيلم أنا مرضتش عن نفسي في الجزء دا على الرغم من أن الفيلم وصل رسالة كبيرة وقابلني كتير من المدمنين قالولي لما اتفرجنا على الفيلم بطلنا مخدرات، لكن أنا بعد ما شفت الفيلم قلت مستحيل أقدم قبلات أنا بقدم فن وعمر الفن ما يكون بالقبلة.
