خالد يوسف: غادة عبدالرازق أكثر موهبة من سمية الخشاب وحنان مطاوع موهبتها تضاهى منة شلبى

حلَّ خالد يوسف ضيفًا على برنامج بالخط العريض، تقديم الإعلامية إيمان أبو طالب، المذاع على قناة الحياة، وكشف عن رأيه في موهبة عدد من النجمات مثل غادة عبدالرازق، حنان مطاوع، سمية الخشاب، منة شلبي.

تحدث خالد يوسف عن النجمة التي يراها الأكثر موهبة من وجهة نظرة، وقال : غادة عبدالرازق أكثر موهبة من سمية الخشاب، والناس بتزعل لما أقول رأيي، وده في النهاية رأي قد يصيب أو يخطئ، ممكن اتنين يتفرجوا على فيلم واحد، ويعجب الأول وميعجبش التاني.

وتابع خالد يوسف: مش بفكر في نجاح الفيلم وميفرقش معايا نجاح عمل أو لأ ولكن بفرح أكتر لو نجح، وبشوف نفسي أقل من حقيقيتي ومش بزعل لما حد يقول إن فيلمي مش عاجبه، ودكان شحاته استشرف كل حاجة حصلت بعد 2011 في 3 دقايق.

وتحدث خالد يوسف عن موهبة حنان مطاوع، وتابع : ذكرت قبل كده إن منة شلبي وغادة عبدالرازق أكبر موهبتين في السينما، ولكن حاليًا أضيف لهم حنان مطاوع، لأن موهبتها مختلفة وعظيمة، وعندنا في السينما مواهب كبرى من وقت المليجي وأحمد زكي، وكل جيل بييجي بمواهبه والمنتَج نابع من الظروف، والعمل هو اللي بيبين موهبة الممثل.

وشاركت حنان مطاوع في مسلسل سره الباتع الذي عرض في رمضان 2023، ودارت أحداث المسلسل في فترتين مختلفتين، الأولى حديثة من عام 2011 حتى عام 2013، والثانية خلال وقت الحملة الفرنسية على مصر، والعمل مأخوذ عن رواية لـ يوسف إدريس تحمل نفس اسم، العمل، ودارت أحداثه في إطار اجتماعي تاريخي أكشن.