بعد تحقيقه ايرادات كبيرة في موسم أفلام العيد.. يسرا تعلن عن جزء ثان لفيلم شقو
كشفت الفنانة يسرا عن وجود جزء ثان من فيلم “شقو” سيبدأ التحضير له، موضحة أن الشخصية التي قدمتها سيظهر تاريخها في الجزء الثاني.
وقالت يسرا خلال لقائها في برنامج “دردشات” عبر قناة “المشهد”: “شاركت في فيلم “شقو” رغم أن الدور ضيف شرف لأن الشخصية هي العمود الفقري لكل الحدوتة، من غيرها مش هيكون فيه الإجرام، الدور دا كان دور راجل في الأول ولما عمرو يوسف اتفق مع كريم السبكي عليا كلموني وعجبني الموضوع، وحكولي التاريخ الخاص بيها، مش هنشوفه في الجزء الأول هنشوفه في الجزء التاني من الفيلم”.
وتابعت يسرا متحدثة عن نجاح فيلم “شقو”: “النجاح بيجيب نجاح، ولما بتسمع عن “شقو” إنه فيلم ناجح بتبقى عايز تشوفه، أنا فرحانة بالنجوم الشباب وبنجاحهم ومجهودهم الكبير اللي قدموه، هما يستاهلوا النجومية”.
وأبدت يسرا إعجابها بالموسيقى التصويرية للفيلم قائلة: “اللي عامل موسيقى فيلم “شقو” حفيد الفنان عبد السلام النابلسي، اسمه “نابلسي” اتفاجئت بيه وعامل موسيقى مناسبة للفيلم”.
