مي عمر تتحدث عن علاقتها بحماتها: لو في مشكلة بيني وبين محمد سامي بتقف معايا

تحدثت الفنانة مي عمر عن علاقتها بوالدة زوجها المخرج محمد سامي، النائية صبورة السيد، وقالت إنها والدتها الثانية وتقف معها دائما إذا حدثت أي مشكلة بينها وبينه.

وخلال مداخلة هاتفية ببرنامج “آخر اليوم” من تقديم سارة نخلة عبر قناة “هي” قالت مي عمر: “أنا معاملتي مع طنط ملهاش علاقة بمحمد هي بالنسة ليا أمي التانية وباخد رأيها في حاجات كتير وبتبقى مهتمة جدا بحاجتي ومن أوائل الناس اللي بتتفرج على أي حاجة قبل أي حد، وهي مش كده معايا بس هي أم لناس كتيرة بتعرف تحتوينا، ولو في حتى عندي مشكلة لو رحتلها بتقف معايا أنا”.

وتابعت مي عمر: “أنا أخدت منها حاجات كتير منها إني مش بحب اشتكي لو حصل أي حاجة في البيت، الصفات المشتركة بينا إننا كتومين مش بنحكي أي حاجة لأي حد لو في مشاكل نحكيها للناس القريبة اللي بتحبك بجد ملهاش مصالح أخرى، أن أفكر كويس أوي قبل أي قرار متكونش قراراتي متسرعة”.

فيما تحدثت والدة محمد سامي، صبورة السيد عن مي عمر قائلة: “هي مؤدبة ومحترمة وقادرة تسعد محمد، مش عارفة ليه الناس مستكترين أن يكون في ناس سعيدة في الحياة”.

على جانب آخر، تشارك مي عمر في رمضان 2025 بمسلسل “إش إش” وتقدم دور راقصة، وتتعاون مجددا مع محمد سامي الذي يتولى تأليف وإخراج المسلسل.