رحمة أحمد تشارك منى زكي في فيلم لايت كوميدي

كشفت الفنانة رحمة أحمد عن جديدها الفترة المقبلة ومشاركتها الفنانة منى زكي في فيلم جديد.

وقالت رحمة أحمد خلال لقائها في برنامج “أسرار النجوم” من تقديم إنجي علي عبر إذاعة وقناة “نجوم FM”: “في فيلم إحنا صورنا فيه يوم واحد ولسه مكملين لكن عشان حد مشغول مش عارفين نظبط الوقت، بطولة أستاذة منى زكي وشاهين والدور بتاعي مع طه دسوقي”.

وتابعت رحمة أحمد: “لسه مستقروش على الاسم النهائي وتقريبا هينزل السنة اللي جايه أو اللي بعدها هو فيلم لايت كوميدي”.

وتحدثت رحمة أحمد عن فكرة تقديم أدوار بعيدة عن الكوميديا قائلة: “أحب أغير طبعا، وجالي حاجات مش كوميدي خالص لكن كانت بتبقى المواعيد مش مناسبة، في حاجات اتعرضت عليا وأنا بصور الكبير فمعرفتش أعملها، ربنا يكرم بحاجة كويسة ووقت يكون مناسب”.

يذكر أن رحمة أحمد شاركت في رمضان 2024 بمسلسل “الكبير أوي 8” بطولة أحمد مكي، بيومي فؤاد، مصطفى غريب، هشام إسماعيل، محمد سلام، سماء ابراهيم، حسين حجاج، حاتم صلاح، وغيرهم من الفنانين، بالإضافة إلى ظهور عدد من ضيوف الشرف، والعمل من إنتاج شركة سينرجي، تأليف مصطفى صقر، محمد عز الدين، وإخراج أحمد الجندي.