مروة صبري: ارحموا هدير عبد الرازق.. الشخص اللي معاها في الفيديو كان جوزها

هاجمت الإعلامية مروة صبري مستخدمي مواقع التواصل الاجتماعي، الذين يواصلون نشر الفيديو المنافي للآداب المنسوب للبلوجر هدير عبد الرازق مقابل مبالغ مالية.

وقالت مروة صبري خلال تقديمها برنامج “قعدة ستات” عبر قناة ألفا: “قمة الحقارة اللي في الدنيا إن في ناس حقيرة معندهاش ولا دم ولا أخلاق، وللأسف ثلاثة أرباعهم رجالة، بيقولوا للناس ابعت 100 جنيه أو 50 جنيه ونبعت لك فيديوهات هدير عبد الرازق”.

وأضافت: “هدير طلعت لايف من يومين وكانت منهارة وبتصرخ، وطلعت قسيمة طلاق بينها وبين الشخص اللي كان معاها في الفيديو، يعني الشخص ده كان جوزها ومكانتش بتعمل حاجة حرام، الفيديو ده اتسرب إزاي؟ في حد عايز يؤذيها أو يقتلها أو يدفنها بالحياة، وليه الفيديو اتصور في الأساس؟”.

ووجهت مروة صبري رسالة لمستخدمي مواقع التواصل قائلة: “ارحموا هدير عبد الرازق، اعمل حساب إن عندك أم أو أخت أو ست متجوزها أو قرايب بنات، واستر علشان ربنا يسترك، البنت النهاردة كانت هترمي نفسها من فوق برج القاهرة، وحاولت تقطع شرايين إيديها وعايزة تخلص من الدنيا”.

يذكر أن اسم البلوجر هدير عبد الرازق عاد لتصدر “التريند” من جديد بعد تسريب فيديو فاضح لها ظهرت فيه في وضع مخل بالآداب، وقامت الأجهزة الأمنية بفحص الفيديو للتأكد من الموجودين فيه ومكان وتوقيت تصويره.

وفي تصريحات منسوبة لوالدتها قالت إن هدير عبد الرازق انهارت بعد معرفتها بانتشار الفيديو عبر مواقع التواصل الاجتماعي وحاولت الانتحار، موضحة أن الشخص الذي ظهر في الفيديو هو طليق ابنتها وأنه التقط الفيديو دون علمها في الوقت الذي كانت فيه زوجته.