منها مسلسل عن قصة حقيقية.. أحمد فهمي يكشف عن أعماله الجديدة
كشف الفنان أحمد فهمي عن جديده الفترة المقبلة، موضحا أنه ستواجد بقوة سواء من خلال أفلام أو مسلسلات.
وقال أحمد فهمي في لقاء مع “عرب وود”: “في مسلسل هيكون العرض على إحدى المنصات، عن قصة حقيقية، وهيكون في فيلمين “أحمد وأحمد” وفيلم تاني”.
ويشارك أحمد فهمي في بطولة فيلم “أحمد وأحمد” الفنان أحمد السقا.
على جانب آخر، يعرض لأحمد فهمي في موسم عيد الأضحى 2024 فيلم “عصابة الماكس”.
وقال أحمد فهمي في لقائه مع موقع FilFan.com عن فكرة فيلم “عصابة الماكس”: “العيلة هي كل حاجة وفي الآخر اللي بيفضل لك العيلة، أنا مابحبش أعمق الدنيا، فيلم (عصابة الماكس) بيتكلم عن فكرة العيلة ببساطة جدا عن عيلة من غير ما نبقى أوفر أو مزودتها، بنتكلم عن ناس اتجمعت عشان يعملوا عيلة لتنفيذ مهمة معينة، الفيلم من أكتر الأفلام اللي حمستني”.
وتابع أحمد فهمي : “تحمست للفيلم في البداية بسبب فكرته، أنا أحب الفيلم المتحرك، إيقاعه سريع، وفي رحلة ونجوم كثيرة وضيوف شرف كتير جدا، ودا شجعني لحد كبير واشتغلنا عليه، وكتابته استغرقت شهور، وصورنا في رمضان وقبل رمضان مضغوطين جدا لنحلق بالعرض، الموضوع كان متعب، لكن النتيجة كانت مرضية والرأي في الآخر للجمهور”.
