علاء عوض: اتعملي أعمال سفلية واتجوزت 4 مرات وتوبت
تحدث الفنان علاء عوض عن حياته الخاصة كاشفا أنه تزوج 4 مرات لكن كل زيجاته فشلت ففضل أن يعيش بمفرده.
وحكى علاء عوض خلال لقائه في برنامج “كلام الناس” مع ياسمين عز عبر قناة mbc مصر عن أول زيجاته من مطربة الأوبرا مها خليل، وأوضح أنه تزوجها رغم عدم موافقة والدتها مما سبب لهما أزمات.
وقال علاء عوض: “أنا حظي كان وحش في الجواز أول مرة اتجوزت كان بعد التلاتين، أول زوجة رفضتني والدتها عشان أنا فنان وشافتني شقي، هي كانت مغنية أوبرا اسمها مها خليل، اتجوزنا غصب عن والدتها فكانت كرهاني فابتدت تعملي أعمال سفلية وبعد سنة قلت لها حرام مش هنقدر نعيش إنتي في صراع بين جوزك اللي بتحبيه وأمك”.
وتابع علاء عوض: “لما حصل كده اتكسرت في أول حب في حياتي ورحت أتجوزت التانية والتالتة والرابعة ورا بعض”.
وأكمل علاء عوض: “أنا اتجوزت 4 مرات وتبت بعدها، الجواز حاجة جميلة لكن كل حاجة ليها إيجابيتها وسلبياتها، والعزوبية اللي أنا بحبها ليها إيجابياتها وسلبياتها، أنا بحب أربي الكلاب مثلا، وعندي 5 بنات عادل عنده 3 وعاطف عنده 2 اللي هما بناتي بنات إخواتي بناتي.
واختتم علاء عوض حديثه: “أنا كان عندي فرص كتيرة أخلف واخترت إني مخلفش، يمكن دلوقتي الوضع كده وأنا مش زعلان منه أنا بربي الكلاب، هما حياتي لما بسافر أي مكان للشغل بحطهم في أحسن أوتيل واطمن عليهم وبصرف 70% من فلوسي عليهم”.
