يوري مرقدي: الخوف منعني من تكرار تجربة التمثيل

كشف الفنان يوري مرقدي سبب عدم استمراره في التمثيل بعد تجربة فيلم “الحياة منتهى اللذة”.

وقال يوري مرقدي خلال لقائه في برنامج “أجمد 7” مع جيهان عبد الله عبر إذاعة وقناة “نجوم fm”: “حبيت تجربة التمثيل لكن مكررتهاش لأني كنت جبان جالي ورق لكن كنت خايف، كنت بقول إني مقدرش اشتغل في فيلم نوعا ما يقلل من التجربة اللي عندي في الفيلم ده”.

وتابع يوري مرقدي: “أنا فاكر لما كلمت مامتي بعد ما قالولي مين فريق العمل معايا، كنت قاعد في الاجتماع وعامل نفسي واثق ومضيت العقد خرجت مسكت الموبايل قلت لها ماما إنتي عارفة السواق بتاعي في الفيلم مين أحمد راتب، حاجة خرافية، الناس أحاطوني وآمنوا بيا، وبعدها وقفت ونفسي أرجع وأمثل تاني”.

وأكمل يوري مرقدي: “أغنية شفتي وصلتي بيا لإيه، بتجيلي تعليقات على السوشيال ميديا والغريب من ناس عمرهم 16 سنة والفيلم 2005 يعني مكنوش موجودين، سمعوها فين؟ لما قالولي عاوزينك في الفيلم ده مكنتش مصدق إني همثل في مصر بالنسبة لينا في لبنان دا هوليوود وهمثل بالمصري ودور بطولة كان أكبر من أني دماغي تستوعبه دا وسام شرف على صدري”.

وفيلم “الحياة منتهى اللذة” إنتاج عام 2005 بطولة حنان ترك ويوري مرقدي ومنة شلبي ومجدي كامل وزينة وأحمد راتب وسعاد نصر وأشرف مصيلحي وأروى جودة، تأليف شهيرة سلام وإخراج منال الصيفي.