حاتم صلاح: مش بعرف أعمل كذا حاجة في وقت واحد ومعملتش حاجة بعد “عصابة الماكس”
تحدث الفنان حاتم صلاح عن فيلمه الأخير “عصابة الماكس” المشارك بموسم عيد الأضحى، من بطولة أحمد فهمي وروبي ولبلبة ومحمد لطفي.
قال حاتم عما جذبه للعمل: “أحمد فهمي من الناس اللي مستني أشتغل معاهم، والدور مهم لشخص بيعمل أفلام مهمة والورق كان كويس قوي، الكاست كان مكسب كبير، محمد لطفي، محمد فهيم اشتغلت مع لبلبة مساعد مخرج واشتغلت مع روبي في فيلم شلبي- الكاست هايل.
وأضاف حاتم صلاح: “من ساعة ما مضيت الفيلم مشتغلتش حاجة تانية جمبه لحد ما خلص. من قبل رمضان بشهر، ومش بحضر لحاجة دلوقتي لإنني لسة مخلصه ومش بعرف أشتغل كذا حاجة في وقت واحد”.
وكشف حاتم صلاح عن الصعوبات التي واجهها في التصوير مثل الملابس الشتوية في الحرارة المرتفعة أثناء الصيام، وعلق: “بس احنا كنا مبسوطين رغم كل الصعوبات وكل لحظة اتبسطنا بيها”.
فيلم “عصاية المكس” اخراج حسام سليمان في اول تجاربه الاخراجية بعد أن عمل كمساعد مخرج في العديد من الأعمال السينمائية مع عدد كبير من المخرجين منهم محمد ياسين وهاني خليفة وغيرهم، ومن تأليف كل من رامي على وأمجد الشرقاوي، الفيلم بطولة: أحمد فهمي، ولبلبة، وروبي، وأوس أوس، وحاتم صلاح، مع وجود عدد كبير من ضيوف الشرف، ومن إنتاج “اتحاد الفنانين” و”ليجسي برودكشن للانتاج الفني”.
